«Jádigerdiń pishinine qarap-aq ortaǵasyrlyq qolóner sheberleri qandaı da bir buıymdy daıyndaý barysynda ózindik qoltańbasyn qaldyrýǵa tyrysqanyn aıqyn ańǵaramyz. Sheberdiń izdenisi kúrdeli oıý-órnekterden de kórinip tur. Bizde bar derekke júginsek, bul qola shyraǵdan HI-HII ǵasyrlarda paıda bolǵan», deıdi oblystyq tarıhı-ólketaný mýzeıiniń ekýskýrsovody Laýra Baıtursynova.
L.Baıtursynovanyń aıtýynsha, tarıhı jádiger mýzeı qoryna 1964 jyly tapsyrylǵan. Al bir piltesi zaqymdanǵan shyraǵdan Taraz qalasyndaǵy burynǵy Kók bazardyń aýmaǵynan tabylǵan degen málimet bar. Túrli oıý-órnekpen bezendirilgen jádigerdiń birshama kónergeni kózge anyq baıqalady.
«Mundaı buıymdar kóbinese dinı-estetıkalyq sıpatqa ıe bolǵany daýsyz. H-HIII ǵasyrlarda jasalǵan qola shyraǵdandardy tek aqsúıek, baqýatty otbasylar ǵana paıdalanǵan degen derek bar. Buıymdy daıyndaýǵa ketken materıaldardyń qundylyǵyna qarap, baǵasy da qymbat bolǵan degen boljam jıi aıtylady. Yqylym zamanda adamdar kúndelikti turmys-tirshilikte osyndaı shyraǵdandardy jıi paıdalanǵan. Shyraǵdannyń uzaq ýaqyt boıy janýynyń saldarynan joǵary jaq betinde ystyń (ottyń) izi qalyp qoıǵan», deıdi maman.
Taraz
