Buryn onyń otbasy Qyzylqoǵa aýdanynda turǵan. Keıin Atyraý qalasyna kóship kelgen. Qazir ol munaıly shahardaǵy Q.Sátbaev atyndaǵy №19 mektep-gımnazııasynyń bastaýysh synybyna dáris beredi.
«О́zimizdiń balalarymyzǵa asyq jınaǵan edik. Olar eseıgen soń asyqty ne isteý kerek? Oqýshylarǵa ulttyq oıyndardy úıretý úshin bir dorba asyqty mektepke alyp keldim. Alǵashqyda oqýshylar asyqqa tańyrqap qarady. Keıbiri asyqty kórmegen eken. Qyzyqqany asyqty úıine alyp ketýge surady. Keıin oqýshylarym asyq jınaı bastady. Sabaq kezinde uldarǵa asyq atý, al qyzdarǵa bes asyq pen hantalapaı oıyndaryn úıretip júrmin. Birinshi synyp oqýshylary úshin asyqtan áripterdi qurastyrdym. Asyqpen oıyn oınaý oqýshylardyń qol motorıkasyn damytýǵa septigin tıgizedi», deıdi Elvıra Aqbatyrova.
Onyń aıtýynsha, ata-enesi, ózge de týystary asyq jınaýǵa kómektesipti. Al asyqqa qynamen, shaı jáne jún boıaýymen túrli reńk beredi.
«Asyq oıyndarynyń balanyń symbatty bolýyna yqpaly bar. О́ıtkeni asyq oınaǵan bala ıilý, adymdap júrý, sekirý, saqa ıirý, kózdep tıgizý, laqtyrý men atý sekildi túrli qımyldy jasaıdy. Asyq oınaǵan balanyń mergendigi, qyraǵylyǵy men ıkemdiligi jetiledi. Qımyly shırap, oılaý qabileti jaqsarady, tústerdi tez ajyratady. Bastaýysh synyptyń oqýshylaryn sergitý úshin asyq oıyndaryn paıdalanamyn» deıdi E.Aqbatyrova.
Atyraý oblysy
