3,5 mıllıon qorap tárkilendi

Taýarlarǵa beriletin ilespe qujattardyń máli­met­terine sáıkes avtokólikter Qyr­ǵyzstannan Túr­­kııaǵa tranzıtpen ótip, burshaq tasy­maldaǵan. Alaıda tekserý barysynda burshaq emes 3,5 mıllıon qoraptan astam temeki anyqtalyp, istiń barlyq materıaly Jambyl oblysy boıynsha ekonomıkalyq tergeý departamentine berilgen.

Memlekettik kirister komıtetiniń habarlaýynsha, óńirde naýryz aıynda komıtet pen UQK Shekara qyzmetiniń júkterdi zańsyz tasymaldaýdyń jolyn kesý boıynsha birlesken jedel-aldyn alý is-sharalary qolǵa alynǵan. «Birlesken tekserýleriniń nátıjesinde 5 naýryzda Qyrǵyzstannan jolaýshylarsyz kele jatqan úsh avtobýstyń júk salý bólimderinde 8 myńnan asa halyq tutynatyn taýarlar: kıim, santehnıka, shlangiler, shaı, bet maskalary, aıaq kıim sómkeleri, rıýkzaktar tabyldy. Barlyq taýarlardyń ilespe qujattary joq.

10 naýryzda Qyrǵyzstannan kele jatqan jo­laýshylar avtobýsynyń janar-jaǵarmaı baginen aksızdele­tin ónimge arnalǵan sáıkestendirý quraldarynsyz 12 700 qorap «Oris» temekisi tabyldy. 11 naýryzda Qyr­ǵyzstannan temekini zańsyz ákelýge áreket ja­saý faktisi anyqtaldy. Sondaı-aq eki jeńil avto­kó­lik­tiń janar-jaǵarmaı bakterinen 2 500 qorap «Oris» te­mekisi tabyldy (ár kólikte 1 250 qoraptan). Teme­kini zańsyz ákelý faktileri boıynsha materıaldar tıisti sheshim qabyldaý úshin sot organdaryna jiberildi.

Salyq zańnamasy aıasynda mundaı áreketter kásipkerlik qyzmetti júzege asyrý turǵysynan qaralady. Memlekettik kirister komıtetiniń baspa­sóz qyzmeti komıtettiń UQK Shekara qyzme­timen birlesken qazaq-qyrǵyz shekarasy arqyly taýar­lardyń zańsyz ótkizilýine jol bermeý jónindegi jumystarynyń jalǵasa beretinin málimdedi.