Saltanatty jıynda sóz alǵan Maqsut Narikbayev University basqarma tóraǵasy Talǵat Nárikbaev: «Búgin biz ýnıversıtetimizdiń 30 jyldyq mereıtoıyna oraılastyrǵan óte mańyzdy oqıǵaǵa jınaldyq. 30 jyl óte az sııaqty kóringenimen, bizdiń qyzmetkerler, oqytýshylar jáne túlekterimizdiń arqasynda ýnıversıtetimiz eleýli nátıjege jetip, úlken joldan óttik. О́zderińiz biletindeı, bizdiń basty mıssııamyz – el múddesine qyzmet etý. Osy oraıda atalǵan qaǵıdatymyzdy oryndaý úshin qajyrly eńbek etken árbir Maqsut Narikbayev University múshesine shyn júrekten alǵysymdy bildiremin», dedi.
Kesh baǵdarlamasy aıasynda ýnıversıtet týynyń ashylý rásimi ótti. Týdyń aýdany 850 sharshy metrdi qurady, atalǵan atrıbýt ýnıversıtettiń bilim berý jáne qoǵamdyq keńistiktegi kúshi men mańyzdylyǵyn kórsetti. Osyǵan qosa mereıtoı aıasynda ýnıversıtet mektepteri arasynda jarys ótkizildi. Bul saıysta ýnıversıtettegi tórt mektep jáne ákimshilik-basqarý personaly «Ýnıversıtetti úzdik quttyqtaý» ataǵy úshin ózara talasty. Atalǵan dodanyń júlde qory 5 mln teńgeni qurady. Uıymdastyrýshylardyń aıtýynsha, qatysýshylar bul sharaǵa úsh aı boıy daıyndalǵan. Ýnıversıtetti úzdik quttyqtaý baıqaýynda «Joǵary quqyq» mektebi jeńiske jetti. Stýdentter men oqytýshylardyń birlese usynǵan shyǵarmashylyq ónerleri qazylar alqasynyń joǵary baǵasyna ıe boldy.
Oqyrmandarǵa aqparat retinde qosa keteıik, Maqsut Narikbayev University tarıhy 1994 jyly 14 naýryzdan bastaý alady. Al ýnıversıtettiń baspasóz qyzmeti tartqan derekke súıensek, osy ýaqyt ishinde ýnıversıtet óz mıssııasyna saı, ıaǵnı Qazaqstan halqyna qyzmet etýdi basty qaǵıdaty sanaıtyn 40 myńǵa jýyq bilikti mamandy daıyndap shyǵardy. Maqsut Narikbayev University Qazaqstanda bilim berýdiń halyqaralyq deńgeıin usyna otyryp, elimizdiń ýnıversıtetteri arasynda kósh bastap tur. 30 jyl ishinde ýnıversıtet birneshe iri jetistikke qol jetkizdi. Atap aıtqanda, TMD-da birinshi bolyp QAA (The Quality Assurance Agency for Higher Education) akkredıtasııasyna ıe boldy, ACCA, CFA, CIMA, TOLES sertıfıkattaryn aldy, sondaı-aq BIG4-te jumyspen qamtý boıynsha úzdik top-5 ýnıversıtet quramyna endi. Onymen qosa, ýnıversıtettiń bilim berý baǵdarlamalarynyń kópshiligi FIBAA halyqaralyq agenttigimen akkredıttelgen.
