Foto: Aqorda
Áńgimelesý barysynda energetıka salasyndaǵy yntymaqtastyqty odan ári damytý, sonyń ishinde jańartylatyn energııa kózderine negizdelgen seriktestik perspektıvasy talqylandy.
Qasym-Jomart Toqaevqa China Power International Holding enshiles kompanııasynyń Qazaqstanda belsendi jumys istep jatqany jóninde málimet berildi. Sońǵy bes jylda Jańatasta jel energııasy jobasy júzege asyrylyp, Qaraǵandyda kún elektr stansııasy salyndy.
Qytaıdyń eń iri energetıkalyq kompanııalarynyń biri sanalatyn SPIC korporasııasynyń basshysy Jambyl jáne Pavlodar oblystarynda jalpy qýaty 1 GVt bolatyn jel elektr stansııalaryn salýǵa qatysty jańa ınvestısııalyq jobalardyń júzege asyrylý barysy jóninde baıandady. Bul jobalarǵa bir mıllıard dollardan astam ınvestısııa salynǵan.
Sondaı-aq Lıý Mınshenniń aıtýynsha, kompanııa Qazaqstanda aýqymdy gıdroenergetıkalyq jobalar men bý-gaz týrbınalaryn salý perspektıvasyn zertteýge nıetti.
Prezıdent elimizdiń jańartylatyn energııa salasyna úzdik halyqaralyq tehnologııalar men tájirıbelerdi engizýge múddeli ekenin atap ótti.
Kezdesý sońynda Qasym-Jomart Toqaev Lıý Mınshendi bıyl maýsym aıynda ótetin Astana halyqaralyq forýmyna qatysýǵa shaqyrdy.
