Aımaqtar • 30 Naýryz, 2024

Sý qoımalary sýǵa toldy

281 ret

kórsetildi

1 mın

oqý úshin

Ulytaý óńirindegi sý tasqyny naýryzdyń 25-nen bastap kúrdelene bastady. Oblys aýmaǵynda avtojoldardyń shaıylýynyń 2 faktisi, sý tasýynyń 11 faktisi tirkeldi. Qazirge deıin 66 turǵyn úı (Jańaarqa aýdany – 38, Ulytaý aýdany – 28), 7 aýla (Jańaarqa aýdany), 9 qystaq (Ulytaý aýdany – 6, Jańaarqa aýdany – 3) sý astynda qaldy. 135 adam, onyń ishinde 61 bala evakýasııalandy. 349 bas sıyr, 858 bas qoı-eshki jáne 17 bas jylqy qaýipsiz jerge shyǵaryldy.

Abdolla DASTAN

Foto: Vıdeoskrın

Qabyldanǵan shuǵyl áreketterdiń arqasynda kúrdeligine qaramastan qazir jaǵdaı turaqty sıpat aldy. Biraq, ahýaldyń áp-sátte ózgere alý múmkindigin joqqa shyǵarýǵa bolmaıdy. Bul týraly oblys ákiminiń orynbasary U.Úsenov pen oblystyq tótenshe jaǵdaılar jónindegi departament bastyǵy E.Baıyrovtyń jýrnalıstermen bolǵan brıfınginde aıtyldy.

Oblys aýmaǵyndaǵy Jezdi jáne Keńgir sý qoımalary sýǵa toldy. Sarysý sý beketi de qaýipti shekke jetip tur.

Jezdiniń syıymdylyǵy 75 mln.tekshemetr bolsa, bir kúnde 40 mln.tekshemetr sý keldi. Keńgirdiń jalpy syıymdylyǵy 325 mln.tekshemetr desek, tasqyn bastalǵanǵa sheıin munda 213 mln. tekshemetr sý bolǵan edi. Qazir kúnine 50-60 mln.tekshemetr sý kelip jatyr. Sondyqtan, shandorlardy ashyp, sý aǵyzý sharalary qolǵa alyndy.

Ulytaý oblysy