Birinshi oqylymda depýtattardyń qaraýyna Memleket basshysynyń 2022 jylǵy 1 qyrkúıektegi tapsyrmasymen ázirlengen «Memlekettik satyp alý týraly» úkimettik zań jobasyn qaraý usynylady.
Jańa zań jobasynda merdigerlerge, ásirese qurylysqa baılanysty jumystarǵa qoǵamdyq monıtorıng engizý kózdelgen. Osyǵan oraı memlekettik satyp alý veb-portalynda olardyń oryndalýy jónindegi esepterdi rastaı otyryp (onyń ishinde foto-, beınetirkeýdi paıdalaný), jumystardy oryndaý kestelerin jalpy qoljetimdi etip ornalastyrý, sondaı-aq qoǵamdyq baqylaý sýbektileriniń memlekettik satyp alý sharttarynyń oryndalýyna monıtorıngti júzege asyrýy usynylady.
Otandyq óndirýshilerdi qoldaý maqsatynda satyp alý shaǵyn jáne orta kásipkerlik sýbektileri arasynda júzege asyrylatyn taýarlardyń, jumystardyń, kórsetiletin qyzmetterdiń tizbesin engizý usynylady. Budan basqa, aqparattyq júıelerdiń derekteri men málimetteri negizinde veb-portal qalyptastyratyn áleýetti ónim berýshilerdiń reıtıngi engiziledi. Sondaı-aq memlekettik satyp alýdy júzege asyrý merzimin 2 aıdan 1 aıǵa deıin qysqartý, bir kózden alý tásilimen satyp alý úshin negizder sanyn ońtaılandyrý kózdeledi.
Jalpy otyrystyń kún tártibiniń jobasyna birinshi oqylymda Úkimet ázirlegen «Jylý energetıkasy týraly» jáne oǵan ilespe túzetýleri bar zań jobalar engizildi. Olar jylý energetıkasy salasyn retteý jáne onyń senimdi jáne úzdiksiz jumys isteýin qamtamasyz etý úshin ekonomıkalyq jáne quqyqtyq negizderdi belgileıdi. Baǵalardy (tarıfterdi), jylý energııasy men jylý tasymaldaǵyshtardy mindetti esepke alý jónindegi normalardy, sondaı-aq energııa únemdeýge jáne energııa tıimdiligin arttyrýǵa qoıylatyn talaptardy memlekettik retteý engiziledi.
