Sonyń biri – HVIII ǵasyrdyń kózi, erekshe oıýly aǵash er. Erdiń emen aǵashynan jasalǵan qos qasyna qyran qustyń beınesi oıylǵan. Bir shege qoldanbaı aǵash qaptalǵa taspamen bekitilgen. Qastyń ústine beınesin oıýlap salǵan. Erdiń barqytpen qaptalǵan kópshigi, qyldan esilgen aıyl, taza qaıystan jasalǵan taralǵy, saby eliktiń aldyńǵy sıraǵyna saptalǵan segiz órim qamshy erdiń sánin asha túsedi.
Qundy jádigerdiń ıesi – aýyldyń ardaqty azamaty, soǵys ardageri Rysqalı Jamalıev eken. Ol 1942 jyly jıyrma jasynda Qyzyl Armııa qataryna alynǵan. Soǵysty Berlınde aıaqtaǵan atamyz 1946 jyly elge aman oralǵan. Soǵystan keıin Kókterek eldi mekeninde esepshilik qyzmet atqarǵan maıdanger únemi salt atpen júrgen.
«Bul erdi jasaǵan sheber týraly málimet joq. Rysqalı aqsaqalǵa aǵasy Baqyt syılaǵan. Bizdiń mýzeıge maıdangerdiń uly Bazarbaı 1991 jyly tapsyrdy», deıdi Kókterek tarıhı-ólketaný mýzeıiniń ekskýrsovody Aqmaral Ibatqyzy.
Batys Qazaqstan oblysy
