- Fransııanyń Te qalasynda kórkem gımnasshylardyń Gran-prı týrnırinde Aıbota Ertaıqyzy oljaǵa keneldi. Ol «shyǵyrshyq» pen «taspada» kúmis medal enshilese, «dop» jattyǵýynda qolaǵa qol sozdy.
- 11-20 sáýir aralyǵynda Rıo-de-Janeıroda nysana kózdeýden Álem kýboginiń jalaýy jelbireıdi. Olımpıada lısenzııalary sarapqa salynatyn jarysta Eldar Imanqulov, Arına Altýhova, Irına Iýnýsmetova, Aleksandra Le, Islam Sátbaev, Nıkıta Shahtorın, Konstantın Malınovskıı, Elızaveta Bezrýkova, Valerıı Raqymjan, Rýslan Iýnýsmetov syndy mergender el namysyn qorǵaıdy.
- Fýtboldan Qazaqstan Premer-lıgasynyń úshinshi týry aıaqtaldy. Bul kezdesýlerde mynadaı esep tirkeldi: «Shahter» – «Turan» – 0:2, «Atyraý» – «Jetisý» – 0:1, «Aqtóbe» – «Jeńis» – 3:0, «Qyzyljar» – «Tobyl» – 0:0, «Astana» – «Elimaı» – 0:1, «Ordabasy» – «Qaırat» – 1:2.
- Antalıada sporttyq gımnastıkadan Challenge Cup dodasy óz máresine jetti. Túrkııadan eki otandasymyz tabysty oraldy. Atap aıtsaq, qoldy tirep jasalatyn jattyǵýda Asan Sálimov aldyna jan salmaı, bas júldeni qanjyǵasyna baılady. Al «at» jattyǵýynda Narıman Qurbanov kúmispen kúpteldi.
- 7-13 sáýir aralyǵynda shaıbaly hokkeıden IIA dıvızıondaǵy komandalar arasynda Andorrada ótetin álem chempıonatynda elimiz qandaı quramda óner kórsetetini belgili boldy: Qaqpashylar – Polına Govtva («Torpedo», О́skemen), Arına Shekolova («Tomırıs», Astana). Qorǵaýshylar – Aıda Oljabaeva, Mádına Tursynova, Anna Pıatkova («Aısulý», Almaty), Iýlııa Býtorına, Aleksandra Voronova, Darııa Moldabaı («Tomırıs»), Anastasııa Dýbrovskaıa, Katrın Meskını («Torpedo»). Shabýylshylar – Málıka Aldabergenova, Pernesh Áshimova, Alına Ivanchenko, Tatıana Koroleva, Larısa Svırıdova («Aısulý») Ekaterına Kýsenko, Anastasııa Orazbaeva, Nadejda Fılımonova, Aleksandra Shegaı («Tomırıs»), Mýnıra Saıahatqyzy, Dilnáz Saıahatqyzy jáne Karına Felzınk («Torpedo»). Atalǵan jarysta jerlesterimiz Belgııa, Ispanııa, Islandııa jáne Meksıka quramalarymen sheberlik synasty.
- MMA-Oracle.com saıty aralas jekpe-jekten ótken jarystardaǵy sportshylardyń kórsetkishterin saralaı otyryp, myqtylar men osaldardyń ara-jigin ajyratty. Bul reıtıngte AQSh (209 428 upaı) aldan kórinse, olardy Brazılııa (140 091) men Reseı (84 587) ókshelep keledi. Sondaı-aq TOP-10 komandanyń qatarynda Japonııa (50 129), Ulybrıtanııa (27 881), Kanada (21 274), Polsha (19 843), Ýkraına (16 211), Fransııa (14 023), Aýstralııa (10 213) bar. Atalǵan reıtıngte Qazaqstan 15-orynda. Qazirgi kezde jerlesterimiz 7 718 upaıdy enshilep otyr.
- Shýchınskide ótken shańǵyshylardyń el chempıonatynda 12 komanda baq synady. Solardyń arasynda Aqmola oblysynyń órenderi aldyna jan salmaı, jalpy komandalyq esepte top bastady. Ekinshi oryndy Qostanaı ıelense, Abaı oblysynan kelgen sportshylar úshinshi satyǵa taban tiredi.
- 10-12 mamyr aralyǵynda Astanada dzıýdoshylardyń álemdik Grand Slam týrnıriniń jalaýy jelbireıdi. Jaqsylyq Úshkempirov atyndaǵy jekpe-jek saraıynda ótetin reıtıngtik jarysta jer-jahannyń kóptegen ataqty balýandary kúsh synasady. Olardyń arasynda Olımpııa oıyndary men álem chempıonattary jáne basqa da asa iri halyqaralyq dodalarda daralanǵan dúldúlder bar. IJF erejesine saı ár salmaqtaǵy jarys jeńimpazdaryna 1 000 upaıdan berilse, kúmis pen qola júldegerleri 700 jáne 500 upaıdan enishleıdi.
- Áıgili BoxRec portaly áýesqoı boksshylardyń reıtıngin jarııalady. TOP-ondyqqa elimizdiń eki boksshysy endi. Olar – Sáken Bıbosynov pen Aslanbek Shymbergenov. Sáken besinshi orynǵa turaqtasa, Aslanbek toǵyzynshy satyǵa jaıǵasty. Al kósh basynda – О́zbekstannyń maqtanyshy Hasanboı Dýsmatov. Ekinshi jáne úshinshi oryndarda – reseılik Gabıl Mamedov pen fransııalyq Sofıan Ýmıa. О́zbekstannyń namysyn qorǵap júrgen qazaq jigiti Rýslan Abdýllaev tórtinshi satyǵa taban tiredi. Sondaı-aq úzdikter qatarynda Djamal Harvı (AQSh), Vsevolod Shýmkov (Reseı), Músilim Gadjımagomedov (Reseı), Chınzorıg Baatarsýh (Mońǵolııa) syndy sańlaqtar bar.
- 18-21 sáýirde Tokıoda eskek esýden lısenzııalyq týrnır ótedi. Bul básekede elimizdiń týy astynda Andreı Ergýchev, Marııa Brovkova, Sergeı Emelıanov, Olga Shmeleva, Sergeı Tokarnıskıı, Tatıana Tokarnıskaıa, Tımýr Haıdarov, Rýfına Ysqaqova, Bekarys Ramatýlla, Irına Podoınıkova, Ýlıana Kıseleva, Vıktor Stepanov, Artem Tereshenko syndy sportshylar óner kórsetedi. Jarys qorytyndysy boıynsha altyn men kúmis medaldi ıelengen órender Parıj Olımpıadasynyń joldamasyna ıelik etedi.
- Fýtzaldan elimizdiń ulttyq quramasy búgin Tarazda bas qosyp, oqý-jattyǵý jıynyn bastady. Aldaǵy ýaqytta olar eki joldastyq kezdesý ótkizýdi josparlap otyr. Atap aıtsaq, jerlesterimiz 4 sáýirde Qyrǵyzstanmen kúsh synasady. Al 7 sáýirde О́zbekstanǵa qarsy oınaıdy.
