Teleskop jasaǵan ǵalymdar

Qurylǵy oqý orny ǵa­lym­dary iske asyryp jatqan «In­jenerlik-tehnıkalyq salalarda STEAM bilim berý ne­gizinde stýdentterdi aǵylshyn tilinde daıarlaý úderisin damytý» granttyq joba aıasynda ázirlendi. Ǵalymdar jasap shyǵarǵan bul teleskoptyń jumys isteý qaǵıdaty men qu­rylysyna sáıkes bólshekteri tolyq 3D-prınterlerde basyp shyǵaryldy. О́nertapqysh­tar jańa qurylǵyny stýdenttermen birge tekserýden ótkizip kórdi. Nátıjesinde, aıdyń anyq keskini men bizge kórinetin bó­ligindegi qara daqtar sýretke túsirildi. Zertteý toby qu­ramynda: joba jetekshisi – fızıka kafedrasynyń qa­ýym­dastyrylǵan professory, PhD Sherzod Ramankulov, PhD Baqytjan Kurbanbekov, magıstr oqytýshylar Serik Polatuly, Nurqoja Jaqsylyq, doktorant Qajymuqan Kelesbaev, magıs­trant Iаhıo Kárimjanov syndy ǵalymdar bar.

– Bul qurylǵy negizinen jas ǵalymdarǵa teleskoptyń qu­rylysy men jumys isteý qa­ǵı­dattaryn, qandaı negizgi bólshekterden turatynyn tú­sin­dirýge arnalǵan. Biz sonymen qatar fızıkanyń qubylysta­ry men zańdaryn túsindirýge baǵyttalǵan STEM ónimderdi, zerthanalyq stendterdi de ázirlep jatyrmyz. Mundaǵy bas­ty maqsatymyz – stýdent­ter­diń ınjenerlik qabilette­rin damytý. Bilimdi ǵylymmen, óndirispen ushtastyrýda otandyq ǵalymdardyń qoldaýy biz úshin mańyzdy, – deıdi joba jetekshisi Qajymuqan Kelesbaev

Joba barysynda alynǵan nátıjeler bilim berý júıe­le­rindegi, sondaı-aq álem­dik deń­geıdegi ózge de ózekti má­se­le­­ler­diń sheshimin izdeýge múm­kin­dik beredi.