Foto: National Fire Agency
AQSh Geologııalyq qyzmeti málim etkendeı, epısentr Taıvannyń Hýalıan qalasynan ońtústikke qaraı 18 km jerde ornalasqan. Seısmologtardyń aıtýynsha, bul Taıvandaǵy sońǵy 25 jyldaǵy eń iri jer silkinisi.
Bılik ókilderi qansha adam zardap shekkeni týraly aqparat bermedi. Alaıda jergilikti buqaralyq aqparat quraldary jer silkinisi saldarynan qulaǵan ǵımarattardan, sonyń ishinde mektepter men turǵyn úılerden evakýasııalaý júrgizilip jatqanyn habarlady.
Jer silkinisinen keıin Japonııa men Fılıppınde sýnamı qaýpi týraly eskertý jarııalandy. Bul týraly BBC agenttigi málimdedi.
Aıta ketsek, mamandar mundaı jer silkinisi apta ishinde taǵy qaıtalanýy múmkin ekenin eskertti.
Osyǵan deıin 1999 jyldyń qyrkúıeginde Taıvanda 7,6 balldyq jer silkinisi tirkeldi. Saldarynan 5 myńnan astam ǵımarat qırap, 2 400 adam qaza tapty.
