Buǵan deıin sot otyrysynda Bıshimbaev Núkenovanyń edenge birneshe ret qulaǵanyn, basyn dárethanadaǵy ýnıtazǵa soǵyp alǵanyn aıtqan edi.
«Beınekameralarǵa túsken jazbalardy joıýdy suradym. Biraq buny kisi ólimin jasyrý úshin jasaǵan joqpyn. Ol kezde Saltanat tiri edi. О́zderińiz bilesizder, qazir telegramm-arnalar óte belsendi. Kez kelgen kúzetshi bul materıaldardy kóshirip, basqalarǵa jibere alady. Biz kóshede turyp, áńgemelesip turǵanymyz beınejazbaǵa túsirilgen. Ony uryp-soqqan sátter de jazbalarda bar», dedi aıyptalýshy.
Eks-mınıstr búginde kez kelgen aqparatty satýǵa jáne satyp alýǵa bolatynyn aıtty. Onyń paıymynsha, meıramhana kúzetshileri de vıdeony satyp jiberýi múmkin edi.
«Túski asqa jaqyn ýaqyt edi. Saltanat uıyqtap jatqan. Sondyqtan beınejazbalardyń barlyǵyn óshirýdi ótindim», dep qosty Qýandyq Bıshimbaev.
Qyrmyzy JUMAǴALIQYZY,
EUÝ stýdenti
