SENAT BIýROSYNYŃ OTYRYSY

Keshe Qasym-Jomart Toqaev­tyń tóraǵalyq etýimen Senat bıý­rosynyń otyrysy boldy. Onda pa­latanyń 17 maýsymda bolatyn kezekti jalpy otyrysynyń kún tártibi talqylandy, dep habarlady Senattyń baspasóz qyzmeti. Depýtattardyń talqysyna el Úkimeti men Respýblıkalyq bıýd­jet­tiń atqarylýyn baqylaý jónin­degi esep komıtetiniń 2009 jylǵy res­pýblıkalyq bıýdjettiń atqary­lýy týraly esepteri jáne Keden oda­ǵy jónindegi qujattar toptama­sy qaralatyn bolady. Odan basqa “Qazaqstan Respýb­lıkasynyń Úkimeti men Aýǵanstan Islam Respýblıkasynyń Úkimeti arasyndaǵy Bilim berý salasyndaǵy yntymaqtastyq týraly kelisimdi ratıfıkasııalaý týraly”, “Bir taraptan Qazaqstan Respýblıkasy jáne ekinshi taraptan Eýropalyq qoǵamdastyqtar men olarǵa múshe memleketter arasyndaǵy áriptestik pen yntymaqtastyq týraly keli­simge (ÁYK), Bolgarııa Respýblı­kasy men Rýmynııanyń ÁYK-ge qosylýy týraly hattamany ratı­fıkasııalaý týraly” zań jobalary qaralatyn bolady. Depýtattar “Qazaqstan Respýb­lı­kasynyń áýe keńistigin paıda­laný jáne avıasııa qyzmeti tý­raly” jáne “Qazaqstan Respýblı­kasynyń keıbir zańnamalyq akti­lerine avıasııa máseleleri boıyn­sha ózgerister men tolyqtyrýlar engizý týraly” zań jobalaryn da qarastyratyn boldy. Jalpy otyrystaǵy talqylaýǵa “Qazaqstan Respýblıkasynyń keıbir zańnamalyq aktilerine sáıkestendirý nómirleri máseleleri boıynsha ózgerister engizý týraly” jáne “Qazaqstan Respýblıkasynyń keıbir zańnamalyq aktilerine “elek­trondy úkimetti” damytý má­seleleri boıynsha ózgerister men tolyqtyrýlar engizý týraly” zań jobalary da usynylatyn boldy. ORYS ShIRKEÝI О́KILIMEN JÚZDESTI Keshe Parlament Senatynyń Tóraǵasy, Álemdik jáne dástúrli dinder lıderleri sezi Hatshylyǵynyń basshysy Qasym-Jomart Toqaev Astana jáne Almaty Mıtropolıti Arhıepıskop Aleksandrmen kezdesti, dep habarlady osy palatanyń baspasóz qyzmeti. Áńgimelesýshiler Qazaqstan-Reseı strategııalyq áriptestiginiń qarqyndy damýyn, qazaqstandyq memlekettik organdardyń dinı bir­lestikter jetekshilerimen, ásirese, Orys pravoslavıe shirkeýiniń ókil­derimen syndarly qatynastaryn erekshe atap ótti. Kezdesý barysynda aldaǵy 2012 jyly ótetin kezekti IV Álemdik jáne dástúrli dinder lıderleri se­zine daıyndyq máseleleri talqy­landy. “Osy alqaly jıyn dinı lıderlerge qazirgi zamannyń ózekti máseleleri boıynsha erkin ózara pikir almasýlaryna múmkindik bergen turaqty únqatysý alańyna aınaldy”, – dedi Sezd Hatshy­lyǵynyń jetekshisi. Q.Toqaev Sezd ben Orys pra­­vos­lavıe shirkeýiniń tıimdi yn­ty­maqtastyǵy órkenıetaralyq jáne mádenıetaralyq qundylyqtarmen qatar, Qazaqstan jáne Reseı ara­syndaǵy odaqtyq qatynastardy odan ári ilgeriletýdiń mańyzdy quramdas bóligi bolyp tabylatyn­dyǵyn atap ótip, Orys pravoslavıe shirkeýiniń ókilderi aldaǵy forýmǵa belsene qatysatyndyǵyna senim bildirdi. Qazaqstan Parlamenti Sena­ty­nyń basshysy Máskeý jáne Búkil Reseı Patrıarhy Kırılldi kezekti IV Álemdik jáne dástúrli dinder lı­derleri sezine qatysýǵa shaqyrdy.