Foto: Senat
Arman О́teǵulov Batys Qazaqstan oblysyndaǵy tasqyn sý jaǵdaıymen tanysty. Senator sý basqan aýdandardy aralap, tasqyn sýǵa qarsy is-qımyl jónindegi óńirlik jedel shtabtyń jumysyna úles qosty.
Depýtat tasqyn sýdan zardap shekken batys qazaqstandyqtarmen de kezdesti. Senator halyqtyń jaǵdaıymen tanysyp, turǵyndardyń problemalarynan habardar boldy, sý tasqynynan kelgen shyǵyndy baǵalaý men óteý máselelerin talqylady.
Sergeı Ershov Qaraǵandy oblysyndaǵy Shet aýdanynda bolyp, tabıǵı apattan zardap shekken turǵyndarmen, oblystyq máslıhat depýtattarymen jáne oblys basshylyǵymen kezdesti. Júzdesýlerde tasqyn sýǵa baılanysty aldaǵy qaýip-qaterdiń aldyn alý tetikteri talqylandy.
Senator sondaı-aq Nura ózeniniń arnasynan tómen ornalasqan Buqar jyraý aýdanynda qaptarmen bekitý, ınertti materıaldardy tógý jáne qorǵanys bógetterin nyǵaıtý jónindegi aldyn alý sharalarynyń barysymen tanysty.
