Foto: ukab.ru
Atyraý oblysynyń turǵyndary «Kúshimiz – birlikte» aksııasyna belsene atsalysty. Jergilikti jastar resýrstyq ortalyǵynyń jetekshisi Mánsııa Saǵıdollaevanyń aıtýynsha, úsh kúnde 8 tonna azyq-túlik, kıim men dári-dármek, gıgıenalyq zattar jınaldy.
«Elimizdiń biraz óńiri sý tasqynynan zardap shekti. Bul – tabıǵı sıpattaǵy tótenshe jaǵdaı. Osyndaı qıyn kezde birtutas birligimizdi kórsetý – azamattyq boryshymyz. Osyǵan oraı óńirde kómek kórsetý pýnkti ashyldy. Tabıǵı apattyń qyspaǵynda qalyp, qınalǵan óńirlerdiń turǵyndaryna jiberý úshin kúndelikti tutynatyn azyq-túlik, ózge de zattardy jınaýǵa jergilikti kásipkerler men belsendi azamattar, qalalyq jáne oblystyq máslıhattardyń depýtattary úles qosty. Mundaı janashyrlyq tanytýdan qarapaıym turǵyndar da qalys qalmady», deıdi M.Saǵıdollaeva.
Onyń aıtýyna qaraǵanda, eki júk kóligine tıelgen gýmanıtarlyq zattary Aqtóbe oblysyna jiberildi.
Atyraý oblysy
