Foto: inbusiness.kz
Naýryzdyń sońǵy kúni aýdan ortalyǵynan 90 shaqyrym jerdegi Nuraǵa joıqyn sý jaqyndady, turǵyndar evakýasııaǵa daıyndalsyn degen habar jurtty ábigerge tústi. Tasqyn sý áne-mine kelip qalady dep otyrǵanda, aıy-kúni jetip otyrǵan Qalamqas egiz sábıin dúnıege ákeldi. Bul ýaqytta Yrǵyz ben Nura arasyndaǵy tasjoldy sý shaıyp, qatynas úzilgendikten, aýdandaǵy akýsher-gınekolog dárigerlerdiń osy aýylǵa jetýi múmkin bolmady. Nura dárigerlik ambýlatorııasynyń úsh qyzmetkeri tolǵatqan áıeldi aman-esen bosandyryp aldy. Ile-shala Yrǵyz, Torǵaı ózenderindegi sý deńgeıiniń kóterilýin áýeden baqylap júrgen T.Bıgeldınov atyndaǵy áskerı áýe kúshteri ınstıtýtynyń tikushaǵy Nuradan jas bosanǵan anany sábılerimen aýdandyq aýrýhanaǵa jetkizdi. Yrǵyz aýdandyq aýrýhanasynyń akýsher-gınekologi Kámshat Sársenǵalıevanyń aıtýynsha, egizder men anasynyń jaǵdaıy jaqsy. Nárestelerdiń ekeýi de qyz bala, bireýiniń salmaǵy – 2 800 g, ekinshisiniń salmaǵy – 3 050 g. Olar aýdandyq aýrýhanada tasqyn sýdyń beti qaıtqansha em alady. Qalamqas sanaýly ýaqyt ishinde qaýipsiz jerge jetkizgen ushqyshtar men TJD qyzmetkerlerine alǵysyn bildirdi.
Tasqynda týǵan sábılerdiń esimderi – Aısáýle jáne Jansáýle. Kópbalaly anany úıinde tórt perzenti kútip otyr. Yrǵyz aýdandyq aýrýhanasynda em alyp jatqan Qalamqas pen egiz sábıiniń jaǵdaıyn Densaýlyq saqtaý mınıstrliginiń Ana men bala densaýlyǵyn saqtaý departamentiniń mamandary baqylap otyr. Densaýlyq saqtaý mınıstrliginiń málimetine qaraǵanda, sý tasqyny kúnderi elimizde 24 áıel bosanǵan. Qazir olardyń jaǵdaıy turaqty, sý tasqynynan eń qatty zardap shekken aımaqtarda aýrýhanaǵa jatqyzylǵan balalar joq.
Aqtóbe oblysy
