Elorda • 04 Sáýir, 2024

Elordalyq QHA sý tasqynynan zardap shekken azamattarǵa gýmanıtarlyq kómek jiberdi

210 ret

kórsetildi

1 mın

oqý úshin

Elordalyq Qazaqstan halqy Assambleıasy Dostyq úıiniń bazasynda sý tasqynynan zardap shekken óńirlerdiń turǵyndary úshin gýmanıtarlyq kómek jınaý boıynsha áleýmettik aksııa uıymdastyrdy, dep habarlaıdy Egemen.kz Astana ákimdiginiń resmı saıtyna silteme jasap.

Botakóz BAQBERGEN

Elordalyq QHA sý tasqynynan zardap shekken azamattarǵa gýmanıtarlyq kómek jiberdi

Foto: Astana ákimdigi

Gýmanıtarlyq kómek Aqmola jáne Qaraǵandy oblystarynyń turǵyndaryna jetkiziledi. Zardap shekkenderge kıim-keshek, azyq-túlik, jeke kútim, tósek-oryn, ydys-aıaq jáne dári-dármekter jınaldy.

Gýmanıtarlyq kómek jınaý jáne jetkizý jumystaryn Hasan Sharıpovtyń tóraǵalyǵymen qurylǵan qalalyq shtab atqaryp jatyr.

«Biz Qazaqstan halqy Assambleıasy men etnomádenı ortalyqtardyń atynan sý tasqynynan zardap shekkenderge qoldaý kórsetemiz. О́ńirlerde tótenshe jaǵdaı jarııalanǵannan keıin biz gýmanıtarlyq kómek jınadyq», dep atap ótti qalalyq shtab tóraǵasy jáne QHA múshesi Hasan Sharıpov.

Atalǵan aksııaǵa elorda turǵyndary, QHA jastar qanatynyń eriktileri men mesenattar qatysty. Sondaı-aq azyq-túlik jetkizgen «Astana» balalar fýtbol klýbynyń músheleri kómekke mańyzdy úles qosty.

Qazirgi ýaqytta qala Assambleıasynyń músheleri men eriktiler sý tasqynynan zardap shekkenderge jalpy somasy 5 mln 200 teńgege kómek kórsetti.