Foto: ashyq derekkóz
Qazaqstannyń avıasııalyq ákimshiligi Kólik mınıstrliginiń Azamattyq avıasııa komıtetimen jáne Qazaqstan Respýblıkasynyń AQSh-taǵy Elshiligimen birlese otyryp ári Qazaqstannyń Syrtqy ister mınıstrliginiń qoldaýymen AQSh Federaldy avıasııalyq ákimshiligimen ushý qaýipsizdigi boıynsha aldyn ala halyqaralyq baǵalaýdy (IASA) ótkizý týraly kelisimge qol qoıdy.
Qujatta ózara aqparat almasý, tehnıkalyq kómek jáne áleýetti arttyrý sharalaryn qosa alǵanda, IASA aldyn ala baǵalaý prosesine baǵyttalǵan birlesken tásilder qarastyrylǵan. Atalǵan kelisim Qazaqstanda ushý qaýipsizdigin qamtamasyz etý deńgeıin arttyrý boıynsha Qazaqstannyń avıasııalyq ákimshiligi, Azamattyq avıasııa komıteti jáne Federaldy avıasııalyq ákimshiligi arasyndaǵy yntymaqtastyqty kúsheıtýge múmkindik beredi.
«Aldyn ala baǵalaý sheńberinde IASA Federaldy avıasııalyq Ákimshiligi avıakompanııalary ushýǵa ótinish bergen, AQSh-qa ushatyn nemese amerıkalyq áýe kompanııalarynyń kodsher boıynsha kelisimshartyna qatysatyn elderdiń azamattyq avıasııa organdarynyń IKAO-nyń ushý qaýipsizdigi jónindegi halyqaralyq standarttaryn saqtaýyn baǵalaıdy. IASA-ny aldyn ala baǵalaý budan ári Federaldy avıasııalyq ákimshiliginiń 1-sanattaǵy mártebesin alýǵa baǵyttalǵan jáne tıisti áýe kemeleri bolǵan kezde Qazaqstan men AQSh arasyndaǵy otandyq áýe kompanııalaryna tikeleı áýe qatynasyn iske qosýǵa múmkindik beredi», delingen Kólik mınıstrliginiń baspasóz qyzmeti taratqan habarlamada.
