Foto: vıdeoskrın
Tengrinews.kz saıty jazǵandaı, atys kezinde bir adam zardap shekti.
Jelide jarııalanǵan jazbaǵa qaraǵanda, atys Temirtaýdaǵy avtoturaqtardyń birinde bolǵan. Vıdeo avtory qatysýshylardyń arasynda turaq ornyna baılanysty janjal bolǵanyn aıtqan. Qaraǵandy oblysynyń Polısııa departamenti atalǵan oqıǵaǵa qatysty túsinikteme berdi.
Vedomstvonyń baspasóz qyzmeti qaqtyǵysqa qatysýshylardyń jeke basy anyqtalǵanyn habarlady. Qazir olardy ustaý boıynsha keshendi tergeý amaldary júrgizilip jatyr.
«4 sáýirge qaraǵan túni Temirtaý ortalyq aýrýhanasyna oq jaraqatyn alǵan 27 jastaǵy jergilikti turǵyn júgindi. Atalǵan derek boıynsha qylmystyq is qozǵaldy. Oqıǵaǵa qatysqan tulǵalar anyqtaldy», delingen habarlamada.
