Qazir Batys Qazaqstan oblysynda sý tasqynyna baılanysty jaǵdaı kúrdeli. Oblysta kishi ózenderdiń sý deńgeıi túskenimen, oblys ortalyǵy arqyly ótetin úsh ózen – Jaıyq, Shaǵan jáne Derkólde sý kóterilip, turǵyndarǵa qaýip tóndirip tur.
«Aldaǵy boljam boıynsha Jaıyq ózeniniń deńgeıi sáýirdiń ekinshi jartysynda Reseıden keletin sýdyń esebinen 850 sm-ge jetedi dep otyrmyz. Bul – qaýipti deńgeı. Oral qalasynyń mańynda Jaıyq sýy 650 sm-ge jetken kezde ańǵarynan asyp, aınalasyndaǵy saı-salaǵa jaıylady. Bul – saıajaı aýmaqtarynda turatyn halyqqa qaýip tónedi degen sóz. Iаǵnı Podstepnoı aýylyna deıingi №1, 2, 3 saıajaı aýmaǵy, Et kombınaty shaǵyn aýdanyndaǵy baý-baqsha seriktestigi, jalpy ózen boıyndaǵy saıajaıdyń bárine qaýip bar», dedi T.Shapanov.
Oral qalasynyń mańyndaǵy saıajaı aýmaǵynda 5 myń úı-jaı, 20 myń adam turaqty turyp jatqany belgili. Búginde sý basýy múmkin eldi mekender men saıajaı aýmaǵynan 6 myńnan asa adam evakýasııalandy. Olardyń 3 myńnan astamy – balalar. Evakýasııalyq beketterde 1 myńnan asa adam ornalasqan, qalǵany týǵan-týystaryn panalaǵan.
Búgingi tańda sý tasqynyn joıý jáne apattan qutqarý jumysy úzdiksiz júrip jatyr. Tótenshelikter avtojoldardyń 48 tusyn sý shaıyp ketkenin, 23 jerde jol ústinen ótkenin habarlady. Ol jerlerge kezekshilik qoıylǵan.
Buǵan deıin habarlaǵanymyzdaı, kólik qatynasy joq 10 eldi mekenge azyq-túlik qoryn jetkizý uıymdastyrylǵan. Sońǵy derekterge qaraǵanda, 3 myńnan asa úı janýary qaýipsiz jerge aıdalǵan. Al ázirge sý tasqyny saldarynan 139 iri qara, 39 jylqy, 1 413 qoı-eshki – barlyǵy 1 591 mal, 112 úı qusy shyǵynǵa ushyraǵany habarlandy. Tolyq shyǵyndy arnaıy komıssııa esepteıdi.
Qazir Oral qalasy mańynda qaýipti jaǵdaı qalyptasyp otyr. О́tken táýlik ishinde 1 500-den asa adam kóshirildi. Munyń 700-den astamy – bala. Sondaı-aq Uzynkól sý qoımasyndaǵy qaýipti jaǵdaıǵa baılanysty tómende ornalasqan Uzynkól, Barbastaý, Shaǵan, Kemer jáne Iýbıleınoe aýyly turǵyndary qaýipsiz jerge kóshirilip jatyr.
Qazirgi ýaqytta jaǵdaı turaqty kúrdeli jáne baqylaýda tur. О́ńirge osyǵan deıin Aqtóbe oblysy aýmaǵynda bolǵan mańǵystaýlyq qutqarýshylar toby keldi. Olar oraldyq áriptesterimen birge Oral qalasyndaǵy «Birinshi saıajaı» jáne «Ekinshi saıajaı» turǵyndaryna sý basý qaýpi jóninde túsindirme jumysyn júrgizip jatyr.
Batys Qazaqstandaǵy qıyn jaǵdaıǵa elimizdiń túkpir-túkpirinen alańdaýshylyq bildirip jatqan jandar kóp. Sáýirdiń 4-i kúni «Amanat» partııasy Shymkent qalalyq fılıaly atynan 20 tonna gýmanıtarlyq kómek Oral qalasyna jetti.
«Oral qalasynda úshinshi evakýasııalyq beketi tolýy jaqyn. Taǵy 2 beket bar, olar da tolsa, rezervtegi 3 beket dereý jasaqtalady», dep habarlady Tótenshe jaǵdaılar departamentiniń baspasóz qyzmeti.
Tasqyn sýdan zardap shekken halyqqa medısınalyq, psıhologııalyq kómek der kezinde jasalyp jatyr. TJM apattar medısınasy ortalyǵy qyzmetkerleri jáne BQO tótenshe jaǵdaılar departamentiniń psıhologi olımpıadalyq rezerv ınternat-mektebindegi evakýasııalyq bekette ornalasqan turǵyndarǵa kómek kórsetti.
О́ńirdegi qutqarý jumystaryna arnaýly qyzmet ókilderinen bólek, «Jaıyq taza qala» JShS, №5517 áskerı bólim sarbazdary, «Taýly Qarabaq urys qımyldary ardagerleri» qoǵamy, «Zenıt» zaýyty qyzmetkerleri, t.b. kóptegen mekeme-uıym atsalysyp jatyr.
Batys Qazaqstan oblysy
