Foto: qaz365.kz
Islam ǵulamalary qasıetti Qadir túnin tómendegishe atqarýdy úndeıdi:
1. Bul túnde Allanyń rızalyǵy úshin ǵıbadat jasap, namaz oqyp, quldyq sezimderimizdi arttyrýymyz kerek; Quptan, taraýıh, táhájjýd, táýbe, qajet, qaza namazdaryn oqýǵa tyrysý qajet.
2. Quran Kárim oqý, tyńdaý, ony túsinýge ynta qoıyp, Quran Kárimge súıispenshilik pen baılanystar ornatylýy tıis;
3. Paıǵambarymyzǵa (Allanyń ıgiligi men sálemi bolsyn) salaýat aıtyp, onyń shapaǵat etýinen úmittenip, onyń úmbetinen bolǵanymyzdy sanaly túrde sezinip, onyń jolyn berik ustanýymyz shart;
4. Ýaǵyz-nasıhat tyńdap, suhbattar quryp, kúndelikti kúıbeń tirshilik barysynda júrekke túsken kirbińdi jýyp-shaıyp, kóńilge uıalaǵan kómeskilikten arylýyǵa tıistimiz;
5. Qadir keshiniń mańyzyna baılanysty jáne Qadir túnine qatysty jetkilikti maǵlumat beretin din adamdarymen suhbat qurý kerek. Ásirese, adam óz ózimen suhbattasyp, qatelikterin tanyp, kemshilikterin joıýǵa kúsh salýǵa, adamdarmen dostyq qarym qatynasyn kúsheıtýge, birlik pen birtutastyqty arttyrýǵa mán berýi tıis;
6. Táýbe men ıstıǵfar jasap, óz nápsisin esepke alyp, qatelik jasaýdan saqtanyp, qaıyrly isterdi jasaýǵa qumbyl bolýy shart; Osy kúnge deıingi barlyq kúnálaryńyz ben qatelikterińizdi esińizge túsirip, Alla Taǵalanyń keshirýin surap duǵa jasańyz. Sebebi barlyq kúnálardy keshirýshi Jalǵyz Alla ǵana.
7. Allany zikir etip, pikir (tereń jaqsy oılaný) etip, Uly Jaratýshynyń ushy qıyry joq qudiretimen joqtan bar bolǵan jaratylystyń syrlaryna úńilip (jaqsy tereń oılanyp), ımanymyzdy kúsheıtýimiz qajet. Allany eske alǵannan júrek tynyshtalady;
8. Jıi-jıi duǵa jasaýymyz kerek. О́ıtkeni, duǵa - adamdy Uly Jaratýshyǵa jaqyndatatyn dáneker. Paıǵambarymyz (Allanyń ıgiligi men sálemi bolsyn) bul túni kóbinese myna duǵany jasaǵan:
«Allahýmma ınnáká ǵafý’ýn týhıbbýl ǵafýá, fáǵfý annı!».
Maǵynasy: «Ýa Jaratýshy ıem! Sózsiz Sen keshirimdisiń ári keshirýdi jaqsy kóresiń. Meni keshire gór! Aısha anamyz Allanyń Elshisinen: «Qadir túninde ne aıtsam bolady?», dep suraǵanda, Ol osy duǵany aıtýdy keńes etken [Ál-Hakım, ál-mústádrak –779-bab/№1985-hadıs].
Bul Qadir túniniń qurmetine Rabbymyzdan búkil musylmandardyń kúnálarynyń keshirilýin, Qadir túniniń jaqsylyqqa muryndyq bolýyn, dostyq pen baýyrmashyldyqty arttyryp, ıslam áleminiń birtutastyǵyn, eldiń amandyǵyn, kórkeıýin jáne kúlli adamzatty apattardan saqtaýyn tileýimiz tıis.
9. Shamańyz keletin kólemde sadaqa berińiz jáne sadaqańyzdyń qabyl bolýyn surap Allaǵa jalbarynyp duǵa etińiz. Sadaqańyz qabyl bolsa 83 jyl 4 aı úzdiksiz sadaqa bergen bolasyz.
