Foto: Túrkistan oblysy ákiminiń baspasóz qyzmeti
Soltústik Tashkent kanaly (STK) О́zbekstan Respýblıkasy aýmaǵynan bastaý alady. STK kanaly О́zbekstan Respýblıkasy aýmaǵynda ornalasqan. Onyń Qazaqstan aýmaǵynan 19,2 shaqyrymy aǵyp ótedi. Bul kanal Keles aýdanynyń Júzimdik, Birlesý jáne Aqtóbe aýyldyq okrýgteriniń jalpy 2922 gektar egindik jerlerin sýmen qamtıdy.
Bıyl 9 naýryzda Júzimdik aýyldyq okrýgi aýmaǵynan ótetin STK kanalyndaǵy tospaly sý qurylymynda (sarqyrama) apatty jaǵdaı boldy. Jóndeý jáne qurylys jumystary qolǵa alyndy.
«О́zbekstan Respýblıkasynyń «Boz-sý» ırrıgasııa mekemesimen birlesip, 2024 jyldyń 31 naýryzynda qurylys jumystary bastalyp, 2 sáýir kúni tolyǵymen aıaqtalǵan. Jóndeý-qurylys jumystarynda quıylǵan beton qaptamalary aǵyn sý ótkizýge 2024 jyldyń 5 sáýir kúni tolyq daıyn boldy. Sharýalarǵa sý berilip, másele sheshildi», delingen Túrkistan oblysy ákiminiń baspasóz qyzmeti taratqan habarlamada.
