Foto: qaz-media.kz
Qazir sý qoımasyndaǵy sýdyń jalpy deńgeıi jobalanǵan deńgeıden 180 paıyz artyp, 1248 mln tekshe metr sý jınalyp tur. О́tken túnde ǵana ol sońǵy ret 5 sm kóterilip, odan ári sýdyń deńgeıi bıikteýin toqtatty. Qazir plotınadan asqan sýdyń bıiktigi túse bastady. Esildiń salalaryndaǵy sýdyń kólemi de tómendep barady. Máselen, Babyqburlyq ózeniniń Gýsakovka aýylynyń túbindegi Esilge quıatyn sýynyń tómendeýi – 17 sm., Aqanburlyq ózeniniń Kovylnoe selosyna quıatyn sýynyń tómendeýi – 4 sm., Sharyq ózeniniń Andreevka selosynyń túbindegi tómendeýi – 90 sm tústi.
Endigi syn Sergeev qalasynyń tómengi jaǵyna túsip tur. Osy qaladan Esildiń Petropavlǵa tartqan jolyndaǵy aýyl-selolardaǵy keıbir úılerdiń sý astynda qalý qaýpi bar. Búginniń ózinde sý deńgeıi osy baǵyttaǵy Pokrovka selosynda 411 sm-ge, Novonıkolskıı selosyndaǵy deńgeıi 82 sm-ge kóterildi. Úlken sýdyń Petropavlǵa jetýi erteń-búrsúginderi kútiledi.
Soltústik Qazaqstan oblysy
