Yrǵyz aýdanynyń Aqshı eldi mekeninde bir úıge, Qarasaı eldi mekeninde úsh úıge sý kirdi. Osy kúnderi tasqynnyń beti qaıtyp, ózen arnasy sál tómen tússe de, turǵyndardyń sý kirgen baspanalaryna kirýi óte qaýipti. Tasqyn sý Amankól, Qyzyljar, Nura, Qumtoǵaı, Yrǵyz aýyldary turǵyndarynyń óriske shyǵarǵan malyn aǵyzyp ketken, birneshe qystaýǵa, qoraǵa sý kirdi. Osy aýyl turǵyndary dalalyqtaǵy malynyń qanshasy sýǵa ketkenin bile almaı otyr. О́ıtkeni, jaıylymdaǵy maldy túgendeýge sý tartylǵansha eshqandaı múmkindik joq. Al aýyl shetine deıin jaıylǵan sýdyń qashan keri tebetini belgisiz.
Yrǵyz ózenine birneshe baǵyttan sý keledi. Osy ózenniń Muǵaljardan bastaý alatyn Shetyrǵyz, Taldyq, Áıteke bı aýdany aýmaǵynan keletin Baqsaıys, О́lkeıek salalary tasyp boldy. Endi Torǵaı ózeninen keletin kólemdi sý bar. Torǵaı bul jaqqa arnasynan asyp kelse, Nura eldi mekenine qaýip tóndirmekshi. Nura – Yrǵyz jáne Torǵaı ózenderiniń qosylatyn jeri. Eki ózenniń sýy osy jerde qosylyp, birge aǵyp Qurdym degen jerde jer astyna sińedi.
Qazirgi tańda Yrǵyz ózeniniń sýy Táýip aýyldyq okrýginiń Quılys, Jaısańbaı aýyldyq okrýginiń Jaısańbaı eldi mekenderine baryp, osy jaqtaǵy keýip ketken shaǵyn kólderdi toltyrdy. Bul jaqqa endi sýdan qaýip tónip turǵan joq. Torǵaı ózeni men Yrǵyz ózeniniń Telǵara salasynan keletin tasqynnan qaýiptengen Nura jáne Mamyr aýyldarynyń turǵyndary aýyl shetindegi bógetterdi bıiktetýge kiristi.
Aqtóbe oblysy
