Onyń sózinshe, keıingi kezderi Qazaqstanǵa qatysty aqparattyq shabýyl kóbeıip jatyr. Onyń bári Qazaqstan men Reseıdiń arasyndaǵy dostyq qarym-qatynasty buzýǵa baǵyttalǵan.
«Máselen, Tatarstandaǵy obektilerdi Qazaqstannan ushyrylǵan drondar atqylady degen qaýeset boldy. Oǵan qosa, Qazaqstan Reseıdiń qarý-jaraǵyn Ýkraınaǵa satyp jatyr degen aqparat jarııalandy. Munyń bári jalǵan málimet. Qazaqstannyń Qorǵanys mınıstrligi osynyń bári jalǵan aqparat ekenin málimdedi. Biz mundaı aqparattyq shabýylǵa qarsy Reseılik tarappen birlesip, jumys istep jatyrmyz. Barlyq deńgeıde baılanys ornatylǵan», dedi A.Smadııarov.
Ol «úshinshi kúshter» jalǵan málimetterdi paıdalanyp, ózderiniń áreketterin istep jatqanyn basa aıtty. Mysaly, osydan 2 kún buryn jasandy ıntellektini paıdalanyp, Memlekettik dýmanyń depýtaty Andreı Gýrýlıovtiń daýysymen Qazaqstanǵa qarsy taǵy jaman sózder aıtqyzdy.
«Depýtat áleýmettik jelilerde vıdeo túsirip, bul aqparattyń jalǵan ekenin málimdedi. Osynyń bárin eskerip, biz Reseıdiń barlyq deńgeıdegi memlekettik organdarymen tikeleı baılanys ornattyq. Sonyń arqasynda biz jaǵymsyz áreketterge tıimdi qarsy tura alamyz. Osyǵan baılanysty barlyq azamat pen BAQ ókiline tek resmı aqparat kózderine senýge shaqyramyz», dedi resmı ókil.
