Kómek kórsetýge shaqyrdy

Keńes barysynda Roman Sklıar bıznes ókilderiniń nazaryn aýyl turǵyndarynyń ómirine, óńirdegi áleý­mettik jáne strategııalyq nysan­darǵa tóngen qaýiptiń aldyn alý maq­satynda sý tasqynyna qarsy jumys­tardy uıymdastyrý úshin shuǵyl túrde birlese áreket etip, qolda bar barlyq kúsh pen arnaıy tehnıkany jumyldyrý qajet ekenin atap ótti.

Soltústik Qazaqstan oblysy ákiminiń birinshi orynbasary Marat Tasmaǵanbetovtiń málimetinshe, oblys ákimdigi turǵyn úıler men áleýmettik-mádenı nysandar salyp jatqan óńirlik jol jáne qurylys kompanııalaryn sý tasqynyna qarsy jumystarǵa tartty. Onyń sózinshe, kásipkerler tehnıkadan bólek, qajet bolǵan jaǵdaıda arnaıy tehnıkany rezervtegi JJM-men qamtamasyz etýge nıet bildirgen.

Roman Sklıar kompanııa basshy­lary­na tehnıka men adam kúsh­terin tartýdan bólek, ózderiniń de obekti­lerdegi baqylaý jáne úılestirý jumystarynyń basy-qasynda bolýyn tapsyrdy.

Keńes qorytyndysynda vıse-premer Úkimet basshysy men onyń orynbasarlary sý tasqynyna qarsy sharalardy úılestirý úshin óńirlerde júrgenin jáne jaǵdaıdy Prezıdent jeke baqylaýynda ustap otyrǵanyn eske saldy.

«Qazir qalany qorǵaý kerek. Aldaǵy kúnderi osy mindetti oıdaǵydaı at­qar­ǵannan keıin, kómek qajet bolyp jatqan óńirlerge, aýdandarǵa aýy­sa­myz. Sol sebepti bárimiz ju­mylyp, sý tasqynyna qarsy ju­my­s­tarǵa dereý kirisýimiz qajet. Baıaý jáne retsiz jumys isteýge bolmaıdy.  Barlyq jumysty oryndaýǵa úsh kúnimiz ǵana bar»,  dedi R.Sklıar.

Sonymen qatar Premer-mınıstr­diń birinshi orynbasary óńirdegi ın­jenerlik ınfraqurylymnyń sý tas­qynyna daıyndyǵyn tekserý ma­q­satynda Petropavl qalasynyń ma­ńyn­daǵy birneshe aýyldardy tekserý úshin túngi reıd júrgizdi. Reıd barysyn­da Teplıchnoe, Prıbrejnoe aýyldary men Ýsheva kóshesi boıyndaǵy bó­get­terdi nyǵaıtý jumystarynyń barysy tekserildi.

Roman Sklıar merdiger kompa­nııa­larǵa bógetterdi nyǵaıtý úshin teh­nıka kólemin arttyrýdy tapsyryp, ýaqyt tyǵyz ekenin eske saldy.

«Sanaýly kún qaldy, belsendi jumys isteý kerek. Nysandarda júk mashınalary men basqa da tehnıkalar jetkiliksiz, tıegishterdiń sanyn eki esege arttyrý qajet. Sýdyń kóterilý kezeńinde biz aǵymdaǵy jaǵdaıǵa jaýap beretin mobıldi toptar quramyz», dedi Premer-mınıstrdiń birinshi orynbasary.