Foto:TJM
Qala basshysy sý basý aımaǵynda ornalasqan eldi mekender men saıajaı ıelerine shuǵyl kóshý týraly taǵy da úndeý jasady. S.Muhamedıev qazirgi ahýal 2017 jylǵy tasqynnan da aýqymdy ekenin, jaǵalaýdy nyǵaıtý jumystary júrgizilip jatqanymen, Zarechnyı kentiniń qaýipti aımaqta ornalasqany alańdatyp turǵanyn aıtty.
«Zarechnyı aýyly erekshe qaýipti aımaqta tur. 2017 jyly 132 úı men júzdegen saıajaı sý astynda qaldy. Sergeev sý qoımasynyń tóbesinen asyp ketý sol kezde 338 sm bolǵanyna qaramastan, búgingi jaǵdaı kóńil kónshitpeıdi. Sý 425 sm-ge jetip, sý deńgeıi kóterilip jatyr. Iri sýdyń birinshi tolqyny Zarechnyı aýylyna batys jaqtan quıma kólindegi sý deńgeıiniń kóterilýi nátıjesinde keledi. 2020 jyly munda bıiktigi 2,8 m jaǵalaý ornatyldy, ol búgingi kúnge deıin aýyldyń shyǵys bóligin qorǵap keldi, bul Zarechnyıdy jyl saıynǵy sý tasqynynan qorǵaýǵa jetkilikti boldy. Qazir jaǵalaýdy 4,5 metrge deıin nyǵaıtyp jatyrmyz. Barlyq qyzmetter, eriktiler jáne qarapaıym turǵyndar jumyldyrylǵan. Biz ony budan da joǵary turǵyza almaımyz. Zarechnyı ózeniniń jaıylmasynda ornalasqan. Alda qıyn qaýip-qaterge daıyndalý kerek degendi bildiredi», dedi Petropavl ákimi.
Esil ózeniniń eń tómengi jerinde júzdegen saıajaı bar. Qala ákimi óz saıajaılarynda turatyn adamdardy evakýasııalaý mindetti emes ekenin aıtty.
«Turǵyndardyń keıbiri saıajaı men turǵyn úılerin tastap ketkisi kelmeıdi. Árıne, jyldar boıy jınalǵan múlikti qaldyrý qıyn ekenin túsinemin. Biraq qazir sizderdiń amandyqtaryńyz birinshi orynda! Sý úıińizge kelgenshe kútpeńiz! Biz qazir áreket etýimiz kerek! Turǵyndardyń narazylyǵyn kórip, pikirlerińizdi oqyp otyrmyn. Biraq tabıǵı apattardy toqtata almaı otyrmyz. Taǵy da qaıtalaımyn, birde-bir turǵyn men onyń múlki nazardan tys qalmaıdy. Qala ákimi retinde qolymnan kelgenniń bárin jasaımyn», dedi S.Muhamedıev.
Qyrmyzy JUMAǴALIQYZY,
EUÝ stýdenti
