Foto: TJM
Balaqaı tasqyn sýdan zardap shekken halyqqa arnaıy qutyda jınaǵan tıyn-tebenin jiberdi. Az da bolsa kópteı kórgen halyq Nurasylǵa alǵysyn jaýdyryp jatyr.
«Qulsarydaǵy aǵalaryma, baýyrlaryma osy tıyndy bergim kelip otyr. Qobdıshaǵa jınap júrgen tıynym edi. Endi ony sizderge tabystaımyn, baýyrlaryma jetkizip berseńizder deımin», dedi Nurasyl Igilikuly óziniń vıdeoúndeýinde.
Jeli qoldanýshylary balanyń bul isin maqtap, «elim degen júregińnen aınalaıyn», «órkeniń óssin!», «jaraısyń!», «aman júr, ózińe eselenip qaıtsyn!» degen sarynda jyly lebizin bildirip jatyr.
