Foto: Úkimettiń baspasóz qyzmeti
9 sáýirdegi ahýal boıynsha, 25 úı tolyǵymen qıraǵan, taǵy 12 úı apatty jaǵdaıda tur. Turǵyndar 27 naýryzdan bastap evakýasııalyq pýnktilerge ornalastyrylyp jatyr.
Serik Jumanǵarın sý basqan sport keshenin aralap kórdi. Qalpyna keltirý jumystary áli bastalmaǵan. Sondaı-aq ol sport mektebinde ornalasqan evakýasııalyq pýnktke bardy. Munda 13 adam ornalastyrylǵan, taǵy 30 adam – basqa jaqta. Keıbir turǵyndar týystarynyń úıine nemese óz úılerine oralǵan, basqa barar jeri joq turǵyndar atalǵan pýnktilerge jaıǵasqan.
Vıse-premer Qobda aýdanynyń ákimi Izgilik Tynymgereevke zardap shekkenderge arnap jańadan úı salýdy tezirek bastaýdy tapsyrdy. Ol úshin ınfraqurylym júrgizilgen oryn qarastyrylǵan.
Sonymen qatar Qobda aýdanyn aralaý kezinde Serik Jumanǵarın batyp ketken úıler men Saýqaıyń bógetin aralap shyqty.
