Búgin QS World University Rankings by Subjects 2024 halyqaralyq pándik reıtıngi jarııalandy. Onyń nátıjesi boıynsha Eýrazııa ulttyq ýnıversıteti joǵary kórsetkishterdi baǵyndyrýmen qatar reıtıngtegi ókildigin 20 pánge deıin keńeıtti. Elimizdiń jetekshi ýnıversıteti 17 pándik jáne 3 salalyq reıtıngte usynylǵan.
EUÝ Qazaqstannyń joǵary oqý oryndary arasynda QS pándik reıtıngisiniń top-100 kósh bastap tur. Úzdik birinshi júzdikke birden 5 pán kirdi: «Qonaqjaılylyq jáne demalysty basqarý» (49), «О́ner jáne dızaın» (51-100 aralyǵy), «Lıngvıstıka» (69), «Zamanaýı tilder» (84) jáne «Aǵylshyn tili men ádebıeti» (93).
EUÝ «Qonaqjaılylyq jáne demalysty basqarý» baǵytynda rekordtyq jetistikter kórsetip, álemdegi 2253 ýnıversıtet arasynda alǵashqy top-50 engen Ortalyq Azııadaǵy jalǵyz joǵary oqý orny boldy. О́tken jyly ýnıversıtettiń atalǵan pán boıynsha kórsetkishi 51-100 aralyǵyn quraǵan. Joǵary nátıjelerge bir basylymǵa dáıeksózder sany kórsetkishteriniń joǵarylaýy arqasynda qol jetkizildi.
«Qazaqstandyq joǵary oqý oryndarynyń pándik reıtıngterdegi pozısııalary sanynyń 41-den 57-ge deıin jáne salalyq reıtıngterdegi toǵyzdan 10-ǵa deıin ósýi, jańa reıtıngterdiń birinshi júzdiginde birqatar pánder boıynsha ókildiktiń keńeıýi, L.N. Gýmılev atyndaǵy Eýrazııa ulttyq ýnıversıtetiniń «Qonaqjaılylyq jáne demalysty basqarý» bilim berý baǵdarlamasynyń álemniń úzdik top-50 áserli kirýi, Muhtar Áýezov atyndaǵy Ońtústik Qazaqstan ýnıversıtetiniń jarııalanǵan reıtıngterdegi debıýti jáne basqa da birqatar mańyzdy jetistikter eldegi joǵary oqý oryndarynyń jahandyq básekege qabilettiligin arttyrý máselelerinde basshylardyń, professor-oqytýshylar quramy men qyzmetkerlerdiń kásibıligin kórsetedi. Bir basylymǵa dáıeksózder sanynyń ósýi qazaqstandyq avtorlardyń birinshi jáne ekinshi kvartılderdiń ǵylymı basylymdaryndaǵy jarııalanymdarynyń buryn-sońdy bolmaǵan joǵary úlesimen ushtastyrylǵanyn atap ótý mańyzdy», - dep atap ótti QS óńirlik dırektory Sergeı Krıstolıýbov.
Kóptegen salalar boıynsha EUÝ ondaǵan satylarǵa joǵary kóterilip, ótken jylǵy nátıjelerdi jaqsartty: «Til bilimi» boıynsha 94-ten 69-orynǵa, «Zamanaýı tilder» – 88-den 84-orynǵa, «Tehnıka jáne tehnologııa» salasy boıynsha 200 pozısııaǵa alǵa ilgerilep, 327-orynǵa ıe boldy.
О́tken jylmen salystyrǵanda «Arheologııa», «О́ner jáne dızaın», «Aǵylshyn tili men ádebıeti», «Tarıh», «Qazirgi tilder», «Ekonomıka jáne ekonometrıka», «Qonaqjaılylyq jáne demalysty basqarý», «Injenerııa jáne tehnologııa» pánderi boıynsha kórsetkishter edáýir joǵarylady.
Alǵash ret álemdik reıtıngke «Bilim» (top-400), «Áleýmettaný» (top-300) jáne «Elektrli jáne elektrondyq ınjenerııa» (top-530) pánderi kirdi.
Pándik reıtıngte ýnıversıtettiń akademııalyq sarapshylar men jumys berýshiler arasyndaǵy bedeli, akademııalyq zertteýlerdiń dáıeksózderi, jarııalanymdardyń Hırsh ındeksi jáne halyqaralyq zertteý jelisiniń ındeksi baǵalanady.
Aıta keteıik, EUÝ 2017 jyldan bastap QS pándik reıtıngte bar.
