Foto: turkystan.kz
12 sáýir – adam balasynyń ǵaryshqa alǵash ret ushqan kúni. Bıyl bul aıtýly dataǵa 63 jyl toldy. Sol kezden bastap búgingi kúnge deıin 500-den astam adam ǵaryshqa saıahattaǵan. Olardyń qatarynda qazaqtyń úsh ǵaryshkeri - Toqtar Áýbákirov, Talǵat Musabaev, Aıdyn Aıymbetov te bar.
KSRO-nyń sońǵy jáne Qazaqstannyń birinshi ǵaryshkeri - Toqtar Áýbákirov 1991 jyly ǵaryshqa ekspedısııalyq saparmen baryp, sol jaqta 7 kún 22 saǵat 13 mınýt boldy. Toqtar Áýbákirov - alǵash ret basqa keńistikte júrip qazaqtyń ulttyq taǵamyn jegen adam. Sol jyly ǵalymdar irimshik, aıran jáne etti ǵaryshta júrip jeýge bolatyndaı etip ázirlegen.
Qazaqtan shyqqan ekinshi ǵaryshker – Talǵat Musabaev. Musabaev ǵaryshqa úsh ret ushyp, sol jaqta 341 kún 9 saǵat 48 mınýt 41 sekýnd bolyp qaıtty. Nátıjesinde ol Gınnesstiń rekordtar kitabyna engen, osy kúnge deıin Talǵat Musabaev sııaqty eshkim ǵarysh keńistiginde uzaq ýaqyt bolyp kórmegen.
Qazaqstannyń úshinshi ǵaryshkeri - Aıdyn Aıymbetov. Ol 2015 jyldyń 2-12 qyrkúıegi aralyǵynda «Soıýz TMA-18M» jáne halyqaralyq ǵarysh stansııasyna baǵyt alǵan «Soıýz TMA-18M» kemesiniń ekinshi bortınjeneri retinde ushty. Halyqaralyq ǵarysh stansııasyna barǵan EP-18 ekspedısııa múshesi. Ǵaryshker Jerge «Soıýz TMA-16M» kemesinde oraldy. Ushý ýaqyty 9 táýlik 20 saǵat 13 mınýt 51 sekýndqa sozyldy.
