Depýtattyń aıtýynsha, Qazaqstanda 7,9 mln sharshy metr saýda alańy bar, biraq olardyń besten bir bóligi ǵana sapa men qaýipsizdik ólshemine saı keledi. Saýda-dýman ortalyǵyndaǵy balalardyń oıyn bólmesi ekinshi qabattan joǵary emes jáne evakýasııalyq esikten 20 metrden qashyq bolmaýy tıis. Biraq, ókinishke oraı, kóptegen saýda ortalyqtarynda balalardyń oıyn aımaqtary joǵarǵy qabatta ornalasqan, evakýasııa joly da joq. Múmkindigi shekteýli jandarǵa arnalǵan evakýasııa baspaldaǵynda pandýs joq. Saýda ortalyqtarynda bir qabatta ondaǵan tamaqtaný oryndary ornalasqan, bul tamaq pisiretin qýaty joǵary tehnıkany qoldaný saldarynan órt qaýpin arttyrady.
«Quqyqtyq statıstıkaǵa sáıkes 2023 jyly órt qaýipsizdigi talaptaryn buzǵany nemese saqtamaǵany úshin 13 978 ákimshilik quqyq buzýshylyq tirkelgen. О́rt qaýipsizdigin óreskel buzý faktileri men qulyptalǵan nemese tipti shynjyrmen bekitilip qoıylǵan apattyq shyǵý joldary, jaramdylyq merzimi ótken órt sóndirgishterdiń bolýy nemese olardyń bolmaýy, dabyl jáne órt sóndirý júıeleriniń buzylýy sııaqty faktiler anyqtalǵan. Osynyń bári biryńǵaı zań talabynyń oryndalmaýynan bolyp otyr. Saýda ortalyqtary ǵımarattyń tehnıkalyq júıesin arnaıy algorıtm boıynsha basqarýǵa qabiletti joǵary tehnologııalyq órt dabylynyń basqasha júıesimen jabdyqtalýy tıis. Bul barlyq adamdardy belgili bir ýaqytta órttiń qaýpinen qorǵaýǵa jáne sol arqyly qaýipsiz evakýasııalaýǵa jetkilikti ýaqyt berýge múmkindik beredi», dedi Bıbıgúl Jeksenbaı.
Senator sonymen qatar Astanada Dúnıejúzilik kóshpendiler oıyndaryn ótkizý barysynda terrorıstik shabýyl qaýpin atap ótti. Iri sporttyq sharalardyń qaýipsizdigi sheteldik jáne otandyq tájirıbeni eskerýdi, qaýipterdiń aldyn alý úshin keshendi uıymdastyrý jáne quqyqtyq qoldaý kórsetýdi talap etedi.
«Saýda-dýman ortalyǵyndaǵy kire beris pen adamdar kóp jınalatyn jerlerde kúzetti kúsheıtýdiń, qyzmetkerlermen nusqama júrgizýdiń, sondaı-aq evakýasııany qamtamasyz etý júıesiniń jumysyn qosymsha testileý jáne jattyǵý evakýasııasy men aýyzsha habarlaýdyń mańyzdylyǵyna nazar aýdarýyńyzdy suraımyn. Sondaı-aq, jazǵy demalys aldynda mektepterde jáne joǵary oqý oryndarynda oqýshylardyń qatysýymen qoǵamdyq qaýipsizdik boıynsha arnaıy oqý jattyǵýlaryn ótkizý qajet», dedi senator Jeksenbaı.
