Qanysh Imantaıulymen kezdesken sátin Aleksandr Vıktorovıch: «Qanysh Sátbaev – Tomsk tehnologııalyq ınstıtýtynda bilim alǵan qazaqtyń jas ınjeneri. Baıanaýyl ánderiniń tamasha bilgiri jáne jaqsy oryndaýshy, ol osy jınaqqa tek áýender men ánderge qatysty ǵana emes, sonymen qatar ánniń sózderine qatysty da birqatar qundy habarlamalar berdi, ári osy ánniń sózderin orys tiline aýdardy», dep jazyp ketken edi.
Ǵalymnyń 125 jyldyq mereıtoıy qarsańynda Sátbaev qalalyq mádenıet jáne tilderdi damytý bólimi alǵash ret «Qanysh salǵan ánder-aı..» atty oblystyq festıval uıymdastyrdy. Festıval barysynda Jańaaarqa aýdanynan, Jezdi kentinen, Sátbaev qalasynan kelgen B.Sarymsaqov, E.Álǵojın, A.Smaǵulov, M.Seıitqamalova, J.Syzdyqov, M.Saıajanqyzy, E.Kóshenov, J.Omarova jáne basqa da ánshiler Qanysh Imantaıuly oryndaǵan ánderdi shyrqap, kórermen qoshemetine bólendi.
Jıyn qatysýshylaryna arnaıy syılyqtar tabystaldy.
Ulytaý oblysy,
Sátbaev qalasy
