Atalǵan dúńgirshekte shetelden kelgen qonaqtarǵa kórikti jerler tizimi, ekskýrsııalyq marshrýttar, kólik, bos ýaqytty qolaıly ótkizý, shopıng, qala kartasy jáne basqa da suraqtar boıynsha keńes beriledi. Bul rette qyzmetter tegin kórsetiledi.
– Dúńgirshek áýejaıda táýlik boıy jumys isteıdi. Biz týrısterdiń tilekteri men múmkindikterin eskere otyryp, qalanyń kórikti jerleri, túrli is-sharalar, saýda ortalyqtary, qala mańyndaǵy týrıstik oryndar, qonaqúılerdi brondaý, sonymen qatar tamaqtaný oryndary týraly aqparat beremiz. Sondaı-aq dúńgirshekten qalanyń kartasy men týrıstik gıdti tegin alýǵa bolady, – deıdi «Astana damý ortalyǵy» departamentiniń dırektory Olga Abeldınova.
Elordaǵa alǵash kelgen týrısterge áýeli úsh negizgi orynǵa barý usynylady: Báıterek monýmenti, Ulttyq murajaı men «Nur Alem» Bolashaq energııasy murajaıy. Tizim aldaǵy ýaqytta jańa demalys oryndarymen tolyqtyrylady. Al qala tarıhymen tanysý úshin saıahatshylar keńesshileriniń usynysy boıynsha Astananyń oń jaǵalaýyna jiberiledi. Qazirgi ýaqytta qalada osyndaı eki dúńgirshek jumys isteıdi: áýejaıdyń 1-termınalynda jáne «Báıterek» monýmentiniń janynda. Dúńgirshekter aqparat berip qana qoımaı, ótinishterge monıtorıng júrgizedi. Jyl basynan beri dúńgirshek qyzmetkerleri elorda qonaqtarynyń 6 myńnan asa ótinishin qabyldaǵan.
Erkenaz QORDABAI,
L.N. Gýmılev atyndaǵy EUÝ stýdenti
