Foto: syr-media.kz
Buǵan deıin de qyzylordalyqtar Aqtóbe qalasy men Qobda aýdanyna 25 júk kóligine tıelgen 83 mln teńgeniń 112 tonna azyq-túlik, kórpe-tósek, dári-dármek, qurylys zattaryn, 50 mln teńgeniń 20 tonna jemshóbin jetkizip, ashylǵan esepshottarǵa 2,5 mln teńge aýdarǵan edi. Osy kómek kerýeninen keıin de járdem jasaýǵa umtylǵandar qatary tolastaǵan joq. Qala jáne aýdan ákimdikteri uıymdastyrǵan «Kúshimiz – birlikte!» aksııasyna oblystyń janashyr azamattary men eriktiler úles qosyp keledi.
Sársenbi kúni aımaqtaǵy iri munaı kompanııalarynyń biri – «Torǵaı Petroleým» aksıonerlik qoǵamy Atyraý, Aqtóbe, Qostanaı, Batys Qazaqstan, Soltústik Qazaqstan oblystaryna 50 mln teńgeniń 120 tonna qaıyrymdylyq kómegin jetkizetin kerýendi jóneltti. Azyq-túlik, gaz plıtalary, qaıyqtar men qural-saımandar, tósek jabdyqtary, ydys-aıaq, gıgıenalyq zattar men dári-dármek tıelgen 10 júk kóligi jolǵa shyqty. Olarǵa oblystyq máslıhat tóraǵasy, «Amanat» partııasy oblystyq fılıalynyń jetekshisi Naýryzbaı Baıqadamov, «Torǵaı Petroleým» AQ bas dırektory Dáýren Ábilqaıyrov sát sapar tiledi. Qaıyrymdylyq kerýenin jáne eriktilerdi aıtysker aqyn, N.Bekejanov atyndaǵy qazaq mýzykalyq akademııalyq drama teatrynyń dırektory Muhtar Nııazov bastap barady.
Qazir Qostanaı, Aqtóbe oblystarynda qyzylordalyq 66 qutqarýshy, 9 arnaıy tehnıka, 4 qaıyq pen 20 motopompa jumys istep, tasqynǵa tosqyn bolyp júr. О́zge de óńirlerge de járdem kórsetý úshin «Jastar ortalyqtary», saýda úıleri men bazarlarda ashylǵan pýnktterde áli de gýmanıtarlyq kómek jınaqtalyp jatyr.
Qyzylorda
