Arqalyq, Qostanaı qalalary men Amangeldi, Jangeldi, Qostanaı jáne Qarasýdyń 4 aýdanynda tótenshe jaǵdaı jarııalandy. Oblys ákimi orynbasarynyń aıtýynsha, zardap shekkenderge keltirilgen shyǵyndy óteý úshin atalǵan óńirlerdiń barlyǵynda komıssııalar qurylyp, jumys istep jatyr. Tóleý týraly sheshimdi komıssııalar jyljymaıtyn jáne jyljymaly múlik pen mal basyn baǵalap, teksergennen keıin qabyldaıtynyn aıtty.
«Búgingi tańda 353 úı tekserilip onyń ishinde 159 úıdi qalpyna keltirýge bolady, baǵalaý júrgizilgennen keıin shyǵyn somasy tólenedi. 194 turǵyn úıdi qalpyna keltirý múmkin emes, úı ıelerine baspana beriledi», dedi Erlan Spanov OKQ alańynda.
Brıfıng barysynda, oblystyń ońtústik óńirleri úshin kelesi mańyzdy baǵyt – mal óliminiń ornyn toltyrý ekeni belgili boldy. Veterınarııalyq qyzmettiń málimetinshe, sý tasqyny saldarynan 951 bas mal óldi. Sonymen qatar, qazirgi tańda 214 bas malǵa baǵalaý esepteri júrgizilip, tólem jasalyna bastaǵanyn tilge tıek etti.
«Sondaı-aq sý tasqyny saldarynan 1414 joǵary voltty elektr taratý munarasyn zaqymdaldy. Barlyq iri eldi mekenderdi elektrmen jabdyqtaý qalpyna keltirildi, biraq 26-ǵa jýyq eldi meken áli kúnge deıin jaryqsyz otyr. Qazirgi ýaqytta smetalyq qujat, qajetti materıaldar ázirlenip jatyr», dep qorytyndylady Qostanaı oblysy ákiminiń orynbasary Erlan Spanov.
Qyrmyzy JUMAǴALIQYZY,
EUÝ stýdenti
