Áýken Máshkeev - QR eńbek sińirgen qyzmetkeri, Qazaqstannyń Profılaktıkalyq medısına akademııasynyń akademıgi, professor, medısına ǵylymdarynyń doktory, ǵylym salasyndaǵy memlekettik syılyqtyń laýreaty, Qazaqstannyń "Pedıatrlar Odaǵy" QB basqarma tóraǵasynyń orynbasary, "Pedıatrııa jáne balalar hırýrgııasy" jýrnalynyń bas redaktory bolǵan.
Qurmetti dáriger, ustaz, búkil ómirin balalar densaýlyǵyn zertteýge arnaǵan kórnekti ǵalym, asqan ınnovator, pedıatrııa salasyndaǵy birqatar ǵylymı patentterdiń ıegeri boldy.
Áýken Qııasuly balalardaǵy selıakııa aýrýyn, oıyq jara aýrýyn, dısbakterıozdy emdeýdiń jańa ádisterin, dıetoterapııany usyndy jáne engizdi.
- Eldiń densaýlyq saqtaý júıesi, pedıatrııalyq qoǵamdastyq salanyń eńbek sińirgen qaıratkeri, óz isiniń qajymas entýzıasty, talantty dáriger, bedeldi tálimgerdiń ómirden ozýyna baılanysty orny tolmas qaıǵyǵa ushyrady.
Osyǵan baılanysty óz atymnan jáne Densaýlyq saqtaý mınıstrligi ujymynyń atynan Áýken Qııasuly Máshkeevtiń barlyq týystary men jaqyndaryna qaıǵylaryna ortaqtasyp, qaıǵyryp kóńil aıtamyn, - deıdi densaýlyq saqtaý mınıstri Aqmaral Álnazarova.
