Juqpaly aýrýǵa jol berilmeıdi

Tótenshe jaǵdaı jarııa­lanǵan óńirlerde dári­gerler tynym tappaı, táýlik boıy jumys isteıdi. Medı­sına qyzmetkerleri aýyl-aımaq­taǵy júkti áıelderdi evakýasııalap, bosaný merzimi taıaǵandardy aýrýhanaǵa jedel jetkizýge tyrysady. Naq qazir sý astynda qalǵan aımaqtarda 3 myń dáriger men 300 jedel járdem brıgadasy turǵyndarǵa medısınalyq kómek kórsetedi. Sanıtarlyq-gıgıenalyq jáne epı­demııaǵa qarsy is-shara­lar­­ǵa 900-ge jýyq arnaıy ma­­man tartylǵan. Tótenshe jaǵ­­daı jarııalanǵan óńirde tur­ǵyn­dardyń densaýlyǵyn qada­ǵa­lap, dári-dármekpen jáne medı­sınalyq buıymdarmen qamtamasyz etý jaıy – nazarda. Ásirese aq jeleńdiler júkti áıelderdiń, balalar men qarttardyń jaǵdaıyna jiti nazar aýdarady.

Densaýlyq saqtaý mınıstr­ligi tótenshe jaǵdaı rejimi jarııa­lan­ǵan óńirlerde aýyzsýmen jabdyqtaý sapasyn da baqy­laıdy. Epıdemııaǵa qarsy jáne profılaktıkalyq is-sharalar aıa­synda Sanıtarlyq-epı­demıologııalyq baqylaý komı­tetiniń aýmaqtyq bólimsheleri sýmen jabdyqtaý kózderiniń nysandaryn udaıy tekserip otyrady. Qazirdiń ózinde sýdyń sanıtarlyq-hımııalyq jáne mıkrobıologııalyq kór­set­kish­terine qatysty 4 myńnan asa synama alynyp, zerttelip, onyń ishinde gıgıenalyq talaptarǵa sáıkes kelmeıtin 133 synama anyqtalypty. Densaýlyq saqtaý mınıstrligi osyndaı is-sharalardyń kómegimen sý tasqyny kezinde epıdemııalyq jaǵdaıdy meılinshe baqylaýǵa tyrysady. Mysaly, qazir elde sý tasqynyna tán ınfeksııalar bo­ıynsha jaǵdaı turaqty. Juqpaly aýrýlardyń aldyn alý maqsatynda Sanıtarlyq-epıdemıologııalyq qyzmet maman­dary aýyzsýmen qamtýǵa kóp kóńil bóle bastaǵan. Sýdyń sapasy men qaýipsizdigin synaıtyn zerthanalyq baqylaý nátıjelerine zer salsaq, juq­pa­ly aýrýlardyń sý arqyly tara­lý qaýpi baıqalmaıdy eken. Sý tasqyny kezinde profı­lak­tıkalyq, epıdemııaǵa qarsy is-sharalardy júrgizip, sý basqan ýchaskelerde asa qaýipti juqpaly aýrýlardyń taralýyna jol bermeý boıynsha kómek kórsetý úshin óńirlerge Qoǵamdyq densaýlyq saqtaý ulttyq ortalyǵynyń mamandary jiberilgen.

Keıingi aptalarda áleý­mettik jelide sý basqan aý­maq­tarda ınfeksııalyq aýrý­lardyń órshý qaýpi týraly habarlamalar taraı bastady. Densaýlyq saqtaý mınıstrligi osy sıpattaǵy shyndyqqa janaspaıtyn, jalǵan aqparatqa senbeýge shaqyrady.

«Sý tasqynyna baıla­nys­ty sanıtarlyq-epıde­mıo­logııalyq qyzmettiń (SES) jumysy kúsheıtilgen rejimge aýys­ty­ryldy. Infeksııalyq syr­qat­taný­shylyq boıynsha epıde­mııa­­lyq jaǵdaı turaqty, sý tas­qyny kezeńine tán nozologııa­lar boıynsha ınfeksııalyq syr­qatta­ný­shylyqty tirkeý kór­set­kishi ótken jyldardyń ortasha res­pýblıkalyq kórset­kishinen (2022-2023 jyldar) aspaıdy. Bar­lyq obektide ınfeksııalyq aýrý­lardyń profılaktıkasy maqsatynda SES organdary aýyzsýmen jabdyqtaýdy baqy­laýdy kúsheıtti. Epıde­mııa­lyq jaǵdaı týraly senimdi aqpa­rat alý úshin resmı derek­kóz­­derge, Densaýlyq saqtaý mı­nıstrligine, Sanıtarlyq-epı­de­mıologııalyq baqylaý komı­te­­tine, jergilikti jer­ler­degi Den­saý­lyq saqtaý bas­qar­masyna habar­lasýdy suraı­myz», delingen mınıst­r­liktiń resmı habarlamasynda.

«Kemedeginiń jany – bir» degen. Tótenshe jaǵdaı kezinde qutqarýshylarmen qatar medısına qyzmetkerleri de qaıyqqa mingesip, sý basqan aýdandardyń turǵyndaryn evakýasııalaýǵa járdemdesip jatyr. Mysaly, Aqtóbe oblysy Áıke aýylynyń dárigerlik ambýlatorııasynyń medısına qyzmetkerleri Júr­genev aýylynyń 530 turǵynyn aýdan ortalyǵyna qaıyqpen eva­­kýa­sııalaýǵa kómektesipti. Olardyń arasynda qarttar men balalar, júkti áıelder kóp eken. Eldegi ahýaldy túsi­nip, qutqarýshylarmen birge ıyq tirese turǵyndarǵa jár­dem­desip júrgen medısına maman­darynyń eńbegi zor.