Foto: Balanyń sýreti, Saltanat Baısalbaeva
«3 naýryzǵa qaraǵan túni qyzym qusa bastady. Jedel járdem kóligimen Sátbaev aýrýhanasynyń juqpaly aýrýlar bólimshesine dereý jettik. Biraq aýrýhana qabyldamady. Kezekshi dáriger ony qarap shyǵyp, medbıkege jaraǵa qarsy ınfeksııa jasaýdy aıtty. Sodan keıin úıde emdelýdi belgilep, emhanaǵa barýdy usyndy. Biz úıge baryp, sol jerde emdelýdi bastaýǵa májbúr boldyq. Keshke qaraı ol jaqsarǵan sııaqty edi, biraq 4 sáýirde dene qyzýy 38-ge deıin kóterilip, qaıtadan qusa bastady. Emhanaǵa júgirdik, onda bizdi qarap, aýrýhanaǵa jatqyzýǵa shuǵyl joldama berdi. Bul rette feldsher emhanaǵa jedel járdem shaqyrmaı, úıge baryp, brıgada shaqyrýdy tapsyrdy», dedi Saltanat Baısalbaeva.
Kelinshek úıge jedel járdem shaqyryp, qyzy ekeýi qaıtadan aýrýhanaǵa barǵan. Ol kezde sábı álsirep, bozaryp ketedi. Infeksııalyq bólimsheniń dárigeri balany reanımasııalyq blokqa jibergen.
«Biz rentgennen óttik. Sodan keıin reanımasııada eki saǵat boıy medbıkeler balaǵa kateter ornata almady, onyń qoldary men aıaqtarynyń tamyrlaryn 8 ret tesip tastady. Perzenthanada akýsher bolyp jumys isteıtin týysym basqa medbıke ákelip, ol kateter ornatty. Balany túni boıy qolyma alyp júrdim, ıisi jaǵymsyz qusýlary boldy. Tańerteń qatty sharshap, onymen birge uıyqtadym. Keýdemniń aýyrsynǵanynan oıandym, qyzym tistep alypty. Sol kezde qyzymnyń kózderi birtúrli ekenin baıqadym, ol maǵan jaýap qatpady, biraq tynys alyp jatty. Dáriger ekinshi ret kelip, «uıyqtasyn, ol sharshady» dedi. Aıaǵyna massaj jasap, qaıta uıyqtadym. Medbıke oıatyp, qyzymnyń tynys almaı jatqanyn aıtty», deıdi Saltanat Baısalbaeva.
Keıinnen Saltanat qyzynyń jiti ishek ınfeksııasy saldarynan qatty ýlanyp qaıtys bolǵanyn bilgen.
«Ol 15 saǵat boıy qınaldy. Onyń ólimine dárigerler kináli dep esepteımin. Atap aıtqanda, juqpaly aýrýlar bólimshesiniń dárigeri birinshi kezekte asqazanyń jýmaı, úıge jiberdi. Sol túni kezekshilik etken ınfeksıonıst, pedıatr, reanımatolog keshki tekserýge kelgen joq», dep tolyqtyrdy qaıǵydan qan jutqan áıel.
Ulytaý oblysy densaýlyq saqtaý basqarmasynyń baspasóz qyzmeti balanyń qaıtys bolý faktisin rastady.
«Densaýlyq baqylaý komıtetiniń Ulytaý oblysy boıynsha departamenti jospardan tys tekserý júrgizip jatyr. Tekserý aıaqtalǵannan keıin túsinikteme beremiz», delingen habarlamada.
