Foto: primeminister.kz
Spıkerdiń aıtýynsha, sý tasqyny bastalǵaly beri 111 myńnan astam adam qutqaryldy. Onyń 39 myńy - balalar.
«Ýaqytsha ornalastyrý pýnktterinde 6814 adam, onyń ishinde 2995 bala bar, 11 950 adam úıge oraldy. 9 mln 50 myń tekshe metrden astam erigen sý sorylyp, 2 mln 200 myń qapshyq, sondaı-aq 1 mln 200 myń ınertti materıal tóseldi», dedi Erasyl Saıpash.
Ol qutqarý jumystaryna 33 334 adam men 4 066 tehnıka jumyldyrylǵanyn atap ótti.
«Qazirgi ýaqytta bes oblysta 5411 turǵyn úı, 1607 aýla jáne 2035 úı sý astynda qalyp otyr. 2500 turǵyn úı men 2157 aýla aýmaǵynan sý soryldy. Elimizdiń segiz óńirinde jergilikti aýqymdaǵy 36 TJ áreket etedi. Bul Aqtóbe, Qostanaı, Batys Qazaqstan, Aqmola, Qaraǵandy, Atyraý, Soltústik Qazaqstan, sondaı-aq Ulytaý oblystary», dep qosty qatysqandar.
Sondaı-aq Tótenshe jaǵdaılar mınıstrligi azamattardy asa saq bolýǵa, sý tasqyny kezeńinde barlyq qaýipsizdik sharalaryn qatań saqtaýǵa jáne evakýasııalaý pýnktterinen tıisti ruqsatsyz shyqpaýǵa shaqyrdy.
