Foto: inbusiness.kz
«Erte kezde babalarymyz joryqqa attanarda artta qalǵan qarttar men bala-shaǵany áıel-analarǵa amanattap, «artta sizder bekem bolsańyzdar, bizdiń de kóńilimiz toq, jolymyz ashyq» dep názik jandarǵa senip tapsyratyn bolǵan.
Árıne, zaman ózgerip, qoǵam alǵa jyljyǵan saıyn osyndaı dástúrli qundylyqtarymyzdan bir mysqal ajyramaýymyz tıis. О́kinishke qaraı, búgingi qoǵamda áıelder men balalarǵa qatysty jıi oryn alatyn zorlyq-zombylyq úshin jazany qatańdatý zamannyń talaby men suranystaryna sáıkes týyndap otyrǵanyn umytpaýymyz qajet», dep jazdy senator.
Rýslan Rústemov atalǵan másele qoǵamda qyzý talqylanyp, osy baǵyttaǵy zańnamalardy jetildirý qajettigi aıqyndalǵanyn aıta ketti. Barlyq sarapshylardyń, qoǵamdyq belsendilerdiń pikiri qabyldanatyn zańnyń basty mindeti - balalar qaýipsizdigin qamtamasyz etý máseleleri boıynsha memlekettik saıasattyń quqyqtyq, ekonomıkalyq, áleýmettik jáne uıymdastyrýshylyq negizderin jetildirý, áıelder men balalarǵa qatysty qylmystardyń aldyn alý jáne jolyn kesý.
«Osyǵan oraı, Memleket basshysy «Qazaqstan Respýblıkasynyń keıbir zańnamalyq aktilerine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgertýler men tolyqtyrýlar engizý týraly» jáne «Qazaqstan Respýblıkasy Ákimshilik quqyq buzýshylyq týraly kodeksine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańdaryna qol qoıdy. Memleket basshysynyń ustanymy aıqyn: zańnyń ústemdigin belgileý jáne zań normalary saqtalatyn ádiletti qoǵam qurý. Zań men tártipti ornatý onyń saılaýaldy baǵdarlamasynyń negizi bolyp sanalady. Memleket basshysy usynǵan «zań jáne tártip» qaǵıdaty barlyq máseleler quqyqtyq salada sheshilýi kerek degendi bildiredi. Bul prınsıptiń ózara baılanysty eki qyry bar. Birinshisi - «zań bar jerde tártip bar». Ekinshisi - «zań buzylmaǵan jerde tártip bar». Osylaısha, jasalǵan qylmys úshin qoldanylatyn jaza ǵana mańyzdy emes, sondaı-aq, qylmystyń aldyn alý da mańyzdy», delingen senatordyń jazbasynda.
