UB habarlaýynsha, ınflıasııa boıynsha 5%-dyq maqsatqa jetý úshin ustamdy qatań aqsha-kredıt sharttaryn saqtaý qajet.
«Qazirgi jaǵdaıda aqsha-kredıt saıasatyn jeńildetýge arnalǵan keńistik áli de shekteýli. Onyń qalyptasýy ınflıasııanyń ornyqty bóliginiń turaqty túrde baıaýlaýyna baılanysty. Jyldyq ınflıasııa 2024 jyldyń naýryz aıynda 9,1%-ǵa deıin baıaýlap, boljamdy traektorııadan birshama joǵary qalyptasty», dep málimdeıdi bas bank.
Málimdemede Ulttyq banktiń retteletin baǵalar reformasy sekildi birjolǵy faktorlardy eskermeıtin ınflıasııanyń ornyqty bóligin baqylaı túsetini aıtylǵan: Inflıasııanyń ornyqty bóliginiń turaqty túrde baıaýlaýy bazalyq mólsherlemeniń tómendeýine keńistik qalyptastyrady.
Ulttyq banktiń Aqsha-kredıt saıasaty komıtetiniń bazalyq mólsherleme boıynsha kezekti josparly sheshimi 2024 jylǵy 31 mamyrda Astana qalasynyń ýaqytymen saǵat 12:00-de jarııalanady.
