Akademıkti ardaqtady

Q.Sátbaevtyń  Baıanaýyl memo­rıaldyq mýzeıinde uıymdas­ty­rylǵan saltanat­ta jınalǵandar eń áýeli ǵalymnyń eskert­kishine gúl shoq­taryn qoıdy. Baıanaýyl aýdany­nyń ákimi Ardaq Kisentaev, Pav­lodar oblysynyń qurmetti aza­maty, eńbek ardageri Qorabaı Sháki­rov kóp­shilikti qut­tyqtap, lebizderin bildirdi.

Mádenı is-sharanyń jalǵasy mýzeıdiń májilis zalynda jalǵasyn tapty.  Baıan­aýyldyq mádenıet salasynyń arda­ger­leri, kezinde Sátbaev mýzeıiniń ashy­lýyna muryndyq bolǵan azamattar men ólketanýshylar, jergilikti prokýra­týra, sot basshylary sóz sóılep, akade­mık­­tiń  ólsheýsiz eńbegi jóninde oı ter­bedi. Ǵalymnyń jıen nemeresi, Hanısa Sátbaevanyń perzenti Álıma Qaı­nekeı­qyzy, Ǵabdulǵazız Sátbaevtyń shó­beresi, geolog maman Ǵabdulǵanı Sátbaev, son­daı-aq Almatydaǵy Ulttyq ǵylym akademııasy men Q.Sátbaev ýnıversıtetindegi murajaı ókilderi, Máken Tóregeldın atyndaǵy taý-ken jáne balqytý isi tarıhy mýzeıiniń qyzmetkerleri beınejazba qut­tyqtaýlaryn joldady.

Taýtulǵanyń 125 jyldyq mereıtoıy aıasynda mýzeıdiń uıymdastyrýymen jas aqyndar arasynda «Sátbaev jáne ult rýha­nııaty» atty oblystyq kórkemsóz oqý baıqaýy ótken edi. Jeńimpaz atanǵan Kúnnur Soltanbaı óziniń jyryn oqyp berdi. Dástúrli ánshi Samal Jaqypova «Eki jırendi», Jandos Adamov Jaıaý Musanyń «Baıanaýyl» ánderin oryndady.

Kezinde aqyn Qabdykárim Ydy­ry­sov Zeıin Shashkınniń mereıtoıyna tartý retinde qazirgi «Baıanaýyl valsiniń» sózin jazǵany málim.  Onda: «Qanyshy kópke áıgili», degen jyr joldary bolypty. Áserli án keıin Qanysh Sátbaevtyń qulaǵyna shalynady ǵoı. Qashan da ózin halyqtan bıik ustap kórmegen nar tulǵa bul tarmaqty alyp tastaýyn suraıdy. Osylaısha án qaıyrmasyndaǵy «Qanyshy kópke áıgili» degen jol «Uldary kópke áıgili» bolyp ózgertilgen eken.  Keshti Mádenıet qaıratkeri Rymbek Baıazı­tov aýdannyń gımnine aınalǵan áıgili «Baıan­aýyl» valsimen qorytyndylady.

Aıtyp óterligi, sol kúni Reseı Fede­rasııasynyń Tom qalasynda ataq­ty jer­­le­simizdiń qurmetine uıym­dastyryl­ǵan jıynǵa óńir delegasııasymen birge mýzeı basshysy Qaıyrgeldi Abylǵazın qaty­­syp keldi. Sonymen qatar elordada ótken «Qanysh Sát­baev – ult maqtanyshy» atty ha­lyq­aralyq ǵylymı-praktıka­lyq kon­fe­rensııaǵa akademıktiń Baıanaýyl ­memo­­rıaldyq mýzeıi «Qazaqtyń Qany­shy­na ­125 jyl» atty jyljymaly kór­me­sin apardy.

Sansyzbaı Saparǵalıev,

Baıanaýyldaǵy akademık Q.Sátbaevtyń memorıaldyq mýzeıiniń qyzmetkeri

Pavlodar oblysy