Shaıbaly hokkeıden Andorrada ótken ekinshi dıvızıondaǵy komandalar arasyndaǵy álem chempıonatynyń sońǵy kezdesýinde elimizdiń áıelder quramasy Ispanııanyń burymdylarynan 5:3 esebimen basym tústi. Osy jeńis arqyly jerlesterimiz birinshi oryn ıelenip, kelesi jyly birinshi dıvızıonda kúsh synasý múmkindigine ıe boldy. Buǵan deıin Aleksandr Tebenkovtyń shákirtteri Meksıka (4:2), Taıpeı (3:0), Islandııa (7:2), Belgııany (9:2) jolynan yǵystyrǵan edi.
Otandyq Octagon promoýsheni 19 sáýirde Almatyda aralas jekpe-jekten Qazaqstan men Qytaı sportshylary arasynda joldastyq kezdesý ótkizýdi josparlap otyr. Bul básekelerde myna faıterler kúsh synasady: Súndet Aıtqul (7-1) – Kınghe Jang (12-6), Damır Tólenov (11-1) – Býhýogbý (5-3), Erasyl Shuqataev (10-4) – Kongvý (7-1) jáne Oljas Nurqasym (2-2) – Batyralı (4-3-1). Sondaı-aq osy jarysta kórermender nazaryna taǵy birqatar qyzyqty aıqas usynylady.
