Bul ornalastyrý TMD memleketterinen emıtentterdiń eýrooblıgasııalaryn shyǵarýdyń búkil tarıhynda jergilikti valıýtadaǵy beıegemendi emıtent úshin TMD-dan turaqty damý eýrooblıgasııalarynyń alǵashqy shyǵarylymy sanalady. Ornalastyrýdan alynǵan qarajat bir mezgilde jasyl ári áleýmettik jobalardyń ólshemderine sáıkes keletin jobalardy qarjylandyrýǵa jáne qaıta qarjylandyrýǵa baǵyttalady.
AHQO Jasyl qarjy ortalyǵy, Ortalyq Azııa óńirindegi jasyl ári ornyqty baǵaly qaǵazdardy verıfıkasııalaý boıynsha absolıýtti kóshbasshy sanalady, ol Jasyl ári Áleýmettik oblıgasııalar qaǵıdattaryna, Halyqaralyq kapıtal naryǵy qaýymdastyǵynyń ornyqty damý oblıgasııalary standarttaryna, sondaı-aq Jasyl kredıtteý qaǵıdattaryna, Nesıe naryǵy qaýymdastyǵynyń áleýmettik kredıtteý qaǵıdattaryna, Azııa-Tynyq muhıty nesıe naryǵy qaýymdastyǵy men Sındıkattalǵan nesıe ári Qaıtalama nesıe naryǵy qaýymdastyǵyna sáıkes osy shyǵarylymǵa oń qorytyndy berdi.
JQO usynǵan Second-Party Opinion formatyndaǵy syrtqy baǵalaýǵa sáıkes, Bank basqarýdyń, tartylǵan qarajatty bólýdiń, jobalardy irikteýdiń, tartylǵan qarajatty basqarý sapasynyń, ekologııalyq ári áleýmettik mańyzy bar iske asyrylyp jatqan jobalar týraly eseptiliktiń jáne aqparatty ashýdyń tamasha deńgeıin kórsetedi.
«Qazaqstannyń Damý Bankiniń ornyqty damý eýrooblıgasııalaryn shyǵarýy bizdiń óńirdegi ornyqty qarjy naryǵy úshin mańyzdy oqıǵa boldy. Jasyl qarjy ortalyǵy osy debıýttik shyǵarylym aıasynda verıfıkator retinde tańdalǵanyn maqtan tutamyz. Bul qadam óńirdegi turaqty qarjy quraldaryn damytý úshin jańa perspektıvalar ashady, sondaı-aq ekologııalyq jáne áleýmettik jaýapty qarjy naryǵyn qalyptastyrýdaǵy bizdiń rólimizdi rastaıdy», dedi Jasyl qarjy ortalyǵynyń dırektorlar keńesiniń tóraǵasy Danııar Kelbetov.
Anyqtama úshin. AHQO Jasyl qarjy ortalyǵy Ortalyq Azııadaǵy turaqty qarjy quraldaryn verıfıkasııalaý jónindegi halyqaralyq ádisnamalyq ortalyqtar akkredıttegen jalǵyz uıym bola otyryp, óńirdegi ornyqty qarjy naryǵyn damytýǵa belsendi yqpal etedi. Qazirgi ýaqytta JQO mynadaı qor alańdarynda turaqty oblıgasııalar shyǵarý boıynsha emıtenttermen tyǵyz jumys istep jatyr: AHQO Bırjasy (Qazaqstan), Qazaqstan qor bırjasy (Qazaqstan), Tashkent qor bırjasy (О́zbekstan), Ortalyq Azııa qor bırjasy (Tájikstan), Baký qor bırjasy (Ázerbaıjan) jáne Qyrǵyz qor bırjasy (Qyrǵyzstan).
