Jańa asýlar baǵyna bersin

Qazaq qashanda aldaǵy jyldar­ǵa úlken senimmen qaraıdy. «Bir ashtyqtyń bir toqtyǵy bar» deı­tin sabyrly qazaqtyń peıiline berip jatqan shyǵar, qudaıǵa shúkir, Qazaqstan keshegi odaqtas memleketterdiń ishinde damyp- órkendeýi jóninde aldyńǵy oryndarda keledi. Elbasymyzdyń keshegi Joldaýy bárimizdiń kóńi­limizden shyqty. Uzaq jyldarǵa arnalǵan strategııalyq jospary bar memlekettiń keleshegi kemel, qadamy nyq. N.Á.Nazarbaev álemdegi daǵda­rys jaıyn aıta otyryp, onyń Qazaqstanǵa tıgizer áseriniń aldyn alý sharalaryn erte bastap ketti. «Qazaqstanda bári tamasha, eshqandaı qıyndyq kórmeı­miz» dep aıta almaspyz, óıtkeni, kórshi elge salynyp jatqan ekono­mı­kalyq sanksııa bizdi aınalyp ótedi degenge sený qıyn. Biraq, qoldaǵy bardy baǵalap, durys uqsata alsaq, bul qıyndyqtardy da jeńip shyǵýǵa bolady», – dedi Elbasy. Biz muny Ońtústiktiń ómirinen kórip otyrmyz. Ońtústikten ındýstrııalandyrý kartasyna quny 1,2 trln. teńge bolatyn 223 ınvestısııalyq joba engizilgen. Sońǵy bes jylda óndiriske 180 mlrd. teńge jumsalyp, 135 jańa joba iske qosyldy. On myńnan astam jańa jumys oryndary ashyldy. Bıyl jalpy óńirlik ónim kólemi 2,3 trln. teńgege jetip, sońǵy bes jylda úsh esege ulǵaıdy. Oblys ákimdiginiń osyndaı ir­geli jumysynyń jaqsy nátı­je berip jatqanyn jýyrda Ońtústikke kelgeninde Elbasy da aıryqsha atap kórsetti. Sondyqtan, esigimizdi attap jat­qan Jańa jyldan jaǵymdy jańa­lyqtar kútemiz. Elimizde ty­­nyshtyq bolyp, berekesi kire ber­sin. El aman, elge arqa súıegen El­basy aman bolsyn. Qazaqstannyń baǵy­n­dyrar asýlary kóp bolǵaı. Jarylǵasyn OŃALBEKOV, Akademııalyq-ınno­va­sııalyq ýnıversıtettiń rektory, pedagogıka ǵy­lym­darynyń doktory, pro­fessor, Qazaqstannyń eńbek sińirgen jattyqtyrýshysy.   ShYMKENT.