Qurmetti otandastar!

Qazaqstan halqy Assam­b­leıa­sy barshańyzdy jańa 2015 jylmen quttyqtaıdy! Sizderge beıbitshilik pen bereke, bolymdy ister men tolym­dy tabystar tileımiz. Árqa­shan aspanymyz ashyq, elimizde yrys pen yntymaq, «qoı ústine boztorǵaı jumyrtqalaǵan» mamyra-jaı zaman bolsyn. Jańa jylda árbir shańyraqqa baqyt pen molshylyq tileımiz! Kele jatqan Jańa jyl – elimiz úshin shyn máninde erekshe jyl. Elbasymyzdyń bastama­symen aldymyzdaǵy jyl Qazaqstan halqy Assamb­leıasy jyly dep jarııalandy. Onyń maqsaty – otandastarymyzdyń jarqyn kelesheginiń, balalarymyz ben nemerelerimizdiń shat kúlkisiniń kepili bolyp otyrǵan elimizdegi toleranttylyq pen qoǵamdyq kelisimdi jalpaq álemge pash etý. 2015 jyl bizdiń Otanymyz úshin tarıhı be­les­terimizdi atap ótý jyly bolmaq. Bizdiń tarıhymyz – bul birliktiń qaınar kózi! О́tkenimizdi baǵalaı otyryp qana keleshegimizdi boljaı alamyz. Biz Qazaqstan halqy Assambleıasy jylyn, Qazaq handyǵynyń 550 jyldyǵyn, Qazaqstan Respýblıkasy Konstıtýsııasynyń 20 jyldyǵyn, Jeńistiń 70 jyldyǵyn, Sh.Ýálıhanovtyń 180 jyldyǵyn, Abaı Qunanbaevtyń 170 jyldyǵyn atap ótkeli otyrmyz. Bul oqıǵalar – elimizdiń tarıhynda túbegeıli betburys jasaǵan jasampaz kezeńder. Bul tek tarıhı qazynamyz ǵana emes, eldik rýhymyzdyń bastaýy, birligimizdiń negizi, memlekettiligimizdiń aıǵaǵy. Qazaqstan halqy Assambleıasy jyly – bul birlik jyly, Nursultan Nazarbaevtyń barsha álem moıyn­daǵan Etnosaralyq toleranttylyq pen qoǵam­dyq kelisimniń qazaqstandyq modeliniń jalpy­halyqtyq saltanat qurý jyly. Kele jatqan Jańa jyl jańa bıikter men bel­esterge jetkizsin! Ortaq qundylyqtarymyzdy birge iske asyra otyryp, biz Otanymyzdyń Táýelsizdigi men turaq­ty­lyǵyn nyǵaıtý jolyndaǵy uly isterdi jalǵas­tyra alamyz! Jańa jylda baqyt, tabys tileımiz! Izgi nıetpen, Qazaqstan halqy Assambleıasy.