Jánibek pen «Djebtiń koroli» jýyq arada judyryqtasýy múmkin

«Qazaq style» degen janama esimdi tańdaǵan 31 jastaǵy Jánibektiń jýyq arada «Ulybrıtanııanyń ókili Hamza Shıraz­ben qolǵap túıistirýi múmkin» degen áńgime bul kúnderi jeldeı esip tur. Al sol boks­shy jaıynda ne bilemiz? Hamza 24 jasta. Londonnyń Ilford aımaǵynda dúnıege kelgen ol 2017 jyldan beri kásipqoı rıngte kúsh synasyp júr. Sol aralyqta 19 kezdesý ótkizip, barlyǵynda jeńiske jetti. 15 básekede aıqyn basymdyq tanytty. Bul bylǵary qolǵap sheberiniń WBO nusqasy boıynsha Eýropa chempıony degen ataǵy bar.

О́z jekpe-jekterin Ulybrıtanııada ǵana ótkizetin Hamza Shıraz shetelde bir ret qana óner kórsetken eken. Byltyr tamyz aıynda ol Polshanyń Vroslav qalasynda Ýkraınanyń myqty boksshysy Dmıtrıı Mıtrofanovty ekinshi raýndta esinen tandyrdy. Sol jarqyn jeńisterden keıin Tumandy Albıon eli ókiliniń dańqy órledi. Sońǵy jekpe-jeginde Hamza kezinde álem chempıony ataǵynan úmitkerdiń biri bolǵan óziniń otandasy Lıam Ýılıamstiń tas-tal­qanyn shyǵardy. 10 aq­panda Londonda uıym­dastyrylǵan bul bá­se­keniń taǵdyry birinshi raýndta-aq sheshildi. Shıraz­dyń shabýylyna qarsylasy toıtarys bere almady. Sanaýly sekýndtar aralyǵynda Lıam eki ret nokdaýnǵa tústi. Shákirtiniń sharasyz kúıin kórgen bapkeriniń rıngke aq oramal tastaýdan basqa amaly qalmady. Al osydan eki-úsh jyl buryn ǵana dál osy Ýılıams ataǵy alysqa jaıylǵan Demetrıýs Andrade men Krıs Iýbenk syndy dúldúlderge des bermeı, 12 raýnd boıy aıyzy qanǵansha aıqasqan edi.

Orta salmaqtaǵy boksshylardan Hamzanyń iri ári eńseli ekeni birden baı­qalady. Máselen, onyń boıy Jánibekten týra 10 santımetr uzyn. Aǵylshyn boksshysynyń odan da basqa artyqshylyqtary jeterlik. Atap aıtsaq, Shırazdyń djebi óte kúshti. Biraz qarsylasyn ol sol soqqymen-aq sulatyp saldy. Hamza oń qolmen de, sol qolmen de jaqsy urady. Jáne de soqqylary óte joıqyn. Ulybrıtanııada ony «Djebtiń koroli» dep ataıdy. Bir anyǵy, bul jekpe-jekte Jáni­bekke ońaı bolmaıdy.

Al qazaqtyń qaısar ulynyń júrip ótken joly barsha qazaq jankúıerleriniń kóz aldynda. Boz­bala shaǵynda-aq dara talantymen oq­shaýlanǵan Jánibek áýes­qoı rıngte tolaǵaı ta­bysqa qol jetkizdi. Murat Sıqymbaevtaı bilikti bapkerden tálim alǵan Jetisý óńiriniń týmasy 2013–2014 jyldar aralyǵynda álem jáne qurlyq chempıony, Azııa oıyndarynyń jeńimpazy atandy. 2016 jyly Rıo Olımpıadasynda shırek fınalǵa deıin jetti. Ká­sipqoı rıngtegi 15 jekpe-jektiń barlyǵyn óz paıdasyna sheship, 10 qarsylasyn nokaýtqa jiberdi.

О́tkende Saýd Arabııasynyń astanasy Er-Rııadta uly­brıtanııalyq Entonı Djoshýa men fransııalyq Fransıs Ngannýdyń kúsh synasqany belgili. Alyptardyń aıqasy aǵylshyn boksshysynyń aıqyn jeńisimen aıaqtaldy. Sol keshte Jánibek Álimhanuly men Hamza Shı­raz betpe-bet kezdesti. Ekeýi bir-birimen kóz túıistirip, biraz til­desip te úlgerdi. Endi qos tarap ortaq mámilege kelse, onda jankúıerlerdi óte qyzyqty jekpe-jektiń kútip turǵany anyq. Olaı deýge negiz – ekeýi úshin de úlken synaq. Shynyn aıtý kerek, dál osyndaı deń­geıdegi boksshymen qandasymyzdyń joly áli qıysqan emes. Eger Shırazdy utsa, Álimhanulynyń abyroıy odan ári asqaqtaı túsetini anyq. Ekinshi jaǵynan qazaq jigitine sheginerge jol joq. О́ıtkeni Hamza WBO reıtınginde birinshi orynda tur. Iаǵnı «Qazaq style» ulybrıtanııalyq oǵlanmen mindetti túrde judyryqtasýǵa tıis. Eger bas tartsa, altyn belbeýinen aıyrylady. Sonymen qatar «Djebtiń koroli» – WBC tiziminde ekinshi orynda. Bul nusqanyń chempıondyq ataǵy amerıkalyq Djermall Charloǵa tıe­sili. «Ýaqytsha chempıon» ataǵyn domı­nıkandyq Karlos Adames ıelenip otyr. Al osy reıtıngte bizdiń taǵy bir myqty boks­shymyz Meıirim Nursultanov birin­shi orynda.

Hamz­anyń Jáni­bekpen judyryq­tasýdan bas tartpaıtyny anyq. О́ıtkeni bul – Ulybrıtanııanyń arlany úshin óziniń myqtylyǵyn túbegeıli moıyndatýdyń birden-bir joly. Dál qazir Hamza óziniń ataq-dańqyn shartarapqa taratyp, óz elinde ǵana emes, basqa da san mıllıo­n jankúıerdiń aldynda abyroıy­n asqaqtatýǵa asa múdelli. Eger baǵy janyp jatsa, «Djeb patshasy» eki birdeı beldi nusqa boıyn­sha álem chempıony atanady. Aldyna bıik maqsat qoıǵan boksshylardyń eshbiri ondaı múmkindikti qalt jibermeýge tyrysatyny anyq.

Jánibek Álimhan úshin de bul básekeniń bereri kóp. Olaı deýge negiz, qazaqtyń ór minezdi óreni Hamza Shırazdy jaqsylap turyp sabasa, búgingi tańda dańqy dúrkirep turǵan Saýl Alvares nemese Djermall Charlo syndy dúldúldermen aıqasýǵa múmkindik týyndaıdy. Al Jánibektiń sol sańlaqtarmen áli kúnge deıin jolyǵa almaı júrgeni belgili.

Kásipqoı boksshylardyń basty maqsaty – ataq pen abyroıǵa kenelip, óz dáýiriniń dara tulǵasy ataný. Sol arqyly mal tabýǵa, mol oljaǵa kenelýge jáne úlde men búldege oranýǵa da bolady. Al osy jaǵynan alǵanda Álimhanuly men Shırazdyń arasyndaǵy jekpe-jekti «óte tıimdi joba» dep qarastyrýǵa bolady. Biri – qazaqtyń ǵana emes, jer-jahan jankúıeleriniń kózaıymyna aınal­ǵan ámbebap boksshy. Ekinshisi – búkil Ulybrıtanııa tabynyp otyrǵan daryn ıesi. Qazirdiń ózinde qos sańlaqtyń saıysyn kórýge barsha jurt erekshe qushtarlyq tanytyp otyr. Qos taraptyń ortaq mámilege kelgenin taǵatsyzdana kútip otyrǵan kásipqoı bokstyń aınalysynda júrgen pysyqaılar da alaqandaryn ysqylaýda. Olaı bolsa, tartynatyn eshteńesi joq. Jýyq arada biz «Qazaq style» men «Djeb koroliniń» aıqasyn kórýimiz ábden múmkin.