Foto: TJM
Búgingi kúnge deıin sý basqan oblystarda 10,1 mln m3 astam erigen qar sýy soryldy, 3,2 mln astam qapshyq pen 1,4 mln tonna ınertti materıal tóseldi. 4 216 turǵyn úı men 2 698 aýla aýmaǵynan sý basqa baǵytqa buryldy.
Jedel jeli telefonyna 1 932 qońyraý tústi.
Qaraǵandylyq qutqarýshylar sý tasqynyna qarsy is-sharalardy jalǵastyryp jatyr.
Olar SQO-nyń Podgora, Prıbrejnoe jáne Beskól aýyldarynda turǵyndar men janýarlardy tasymaldaý, evakýasııalaý, tamaq ónimderin jetkizý, sondaı-aq basqa de jumystardy jalǵastyryp jatyr.
Shymkent qalasynyń qutqarýshylary Atyraý oblysy Qulsary qalasyna jetip, táýlik boıy sý tasqynymen kúresip júr.
Al Oral qalasynda saıajaı ýchaskelerinen turǵyndar evakýasııalanyp jatyr.
Qyzylorda oblysynyń qutqarýshylary 100-ge jýyq adamdy evakýasııalap, úı janýarlaryn qaýipsiz jerge kóshirdi.
Sonymen qatar Jylyoı aýdanynda sý tasqyny saldaryn joıý jumystary táýlik boıy júrgizilip jatyr. Buǵan deıin Jem ózeniniń sý deńgeıi kóterilip, turǵyn úıler men ǵımarattardy sý basqan edi. Qazirgi ýaqytta sý basqan turǵyn úılerden sý aıdalyp jatyr.
Sý tasqyny bastalǵaly beri Jylyoı aýdanynda:
- 731,300 tekshe metr sý soryldy;
- 245 000 topyraq jáne 397 000 tonna ınertti materıal tóseldi.
