Elimizde zeınetaqy 9 paıyzǵa ósti

ASTANA. 5 qańtar. Elimiz boıynsha 2015 jyldyń 1 qańtarynan bastap zeınetaqy tólemderi 9 paıyzǵa kóbeıdi. Bul týraly egemen.kz tilshisi habarlady. «2015-2017 jyldarǵa arnalǵan respýblıkalyq bıýdjet týraly» Zańda kórsetilgendeı, 2015 jylǵy 1 qańtardan bastap eń az zeınetaqy mólsheri 23 692 teńge bolyp belgilendi. Eske sala keteıik, 2014 jyly eń az zeınetaqy kólemi 20 782 teńgeni quraǵan-dy. Al memlekettik bazalyq zeınetaqy tólemderiniń mólsheri 2015 jylǵy 1 qańtardan 11 182 teńgege deıin ulǵaıdy. 2014 jyly memlekettik bazalyq zeınetaqylyq tólem mólsheri 9 983 teńge bolǵan. Bul zeınetaqynyń eń tómengi mólsheri 34 874 (23 692 + 11 182) teńgege óskenin bildiredi. Elimizdegi zeınetkerlerdiń sany 1,9 mıllıonnan asyp jyǵylady. О́tken jyly eń joǵary zeınetaqy mólsheri 67 399 teńge bolsa, endi 73 257 teńgege artty. Onyń ortasha mólsheri 45 633 teńgeden 49 532 teńgege kóterildi. Sondaı-aq, memlekettik áleýmettik járdemaqy mólsheri de 7 paıyzǵa ósti. Elimizde járdemaqy alýshylar sany 600 myńnan astam adamdy quraıdy. Joldybaı Bazar. Derek: egemen.kz. Sýret: news.nur.kz.